सानिया मिर्झा करणार दुसरा विवाह? शोएबच्या तिसऱ्या लग्नाबाबत ही धक्कादायक भविष्यवाणी

Sania mirza : भारतीय टेनिसपटू सानिया मिर्झा सध्या तिच्या घटस्फोटामुळे चर्चेत आहे. सानिया नेहमीच चर्चेत राहिली आहे. कधी ती तिच्या लग्नामुळे तर कधी तिच्या प्रोफेशनमुळे. सानिया मिर्झा सध्या तिच्या वैयक्तिक आयुष्यामुळे आता चर्चेत आली आहे. सानियाने पाकिस्तानी क्रिकेटपटू शोएब मलिककडून ‘खुला’ घेतला आहे. यानंतर लगेचच शोएब मलिकने पाकिस्तानी अभिनेत्री सना जावेदसोबत विवाह केला आहे. पण यामुळे पाकिस्तानी लोकांनी त्याला चांगलंच ट्रोल केले आहे. या दरम्यान आता सानिया दुसऱ्यांदा लग्न करणार की नाही याबाबत एक नवा खुलासा समोर आला आहे.

ज्योतिषी पंडित जग्गानाथ गुरुजी यांनी 2022 मध्ये कोईमोई वेबसाईटला एक मुलाखत दिली होती, ज्यामध्ये त्यांनी सानिया आणि शोएब मलिक यांचा विवाह मोडणार असल्याचा दावा केला होता. तो दावा आता खरा ठरला आहे. तिसऱ्या व्यक्तीमुळे त्यांचा संसार मोडेल असं देखील त्यांनी म्हटलं होतं. ती तिसरी व्यक्ती कोणी नसून सना जावेदच असल्याचं लोकं म्हणत आहेत. सानिया मिर्झा आणि शोएब मलिक यांच्या घटस्फोट झाल्यानंतर आता ज्योतिषी पंडित जगन्नाथ यांची आणखी एक भविष्यवाणी चर्चेत आहे.

सानिया दुसऱ्यांदा लग्न करणार!

ज्योतिषी पंडित जगन्नाथ यांनी पुन्हा एकदा सानिया मिर्झा बाबत भविष्यवाणी केली आहे. त्यांनी सांगितले की, सानियाचा सूर्य आणि शनि उज्वल भविष्याकडे बोट दाखवत आहेत. सानियाला तिच्या वैयक्तिक आयुष्यामुळे त्रास होईल आणि तिच्या मानसिक स्थितीवरही विपरीत परिणाम होईल. पण सूर्य आणि शनिमुळे सानिया सर्व आव्हानांवर मात करेल. पंडितजींनीही आणखी गोष्ट सांगितली आहे. ते म्हणाले की, सानिया पुन्हा एकदा लग्न करू शकते. येत्या 2-3 वर्षात तिचं पुन्हा लग्न होण्याची शक्यता आहे पण तो इतका मोठा निर्णय काळजीपूर्वक घेईल.

शोएबचा पुन्हा घटस्फोट होण्याची शक्यता

पंडित जगन्नाथ यांनी अशीही भविष्यवानी केली आहे की, शोएबचा तिसरा संसार देखील मोडला जावू शकतो. शोएब मलिक आणि सना जावेद यांच्या वैवाहिक जीवनात अनेक चढ-उतार येऊ शकतात. कारण दोघांच्या कुंडलीत मंगळ असल्याने पुढील ३-४ वर्षे त्यांच्या नात्यात अडचणी येऊ शकतात.