Vaibhav Sooryavanshi: अरेरे वैभवला झालं तरी काय? बॅक टू बॅक फ्लॉप शो, एक चौकार मारला अन्…
Vaibhav Sooryavanshi Duleep Trophy Final: वैभव सूर्यवंशी पुन्हा एकदा अपयशी ठरला. दुलीप ट्रॉफीच्या अंतिम सामन्याच्या दुसऱ्या डावात वैभव फ्लॉप ठरला.
दुलीप ट्रॉफी २०२६ चा अंतिम सामना पूर्व विभाग आणि दक्षिण विभाग यांच्यात खेळला जात आहे. सामन्याच्या पहिल्या डावात, वैभवने एक षटकार आणि पाच चौकारांसह ३७ चेंडूंमध्ये ४४ धावांची छोटी खेळी केली.
वैभवने पुन्हा एकदा टी-२० क्रिकेट समजून षटकार मारण्याच्या प्रयत्नात आपली विकेट गमावली. त्याला दुलीप ट्रॉफीमध्ये आणखी एक संधी मिळाली, जिथे तो कोणतीही घाई न करता संयमाने फलंदाजी करू शकला असता, पण त्याने आणखी एक संधी वाया घालवली. तो दुलीप ट्रॉफीमध्ये पूर्व विभागाकडून खेळत आहे.
वैभवने १६ चेंडूंत ८ धावा केल्या. तो पुन्हा एकदा लवकर बाद झाला. वैभवने मोठी खेळी खेळली नाही. सगळ्यांचे लक्ष त्याच्याकडे असताना त्याने पुन्हा एकदा निराश केले.
वैभवने जरी फलदंजीत निराश केले असले तरीही त्याने डीआरएसबाबत घेतलेल्या निर्णयामुळे त्याचे सर्वत्र कौतुक होत आहे.
वैभववर नजरा असताना कर्णधार इशान किशनने कॅप्टनी खेळी खेळली. त्याने पहिल्या डावात दुहेरी शतक ठोकले.
