Vaibhav Suryavanshi vs Tilak Varma : वैभव सूर्यवंशी अन् तिलक वर्मा नेमके का भिडले? दोघांचं संभाषण माईकमध्ये रेकॉर्ड
वैभव सूर्यवंशी आणि तिलक वर्मा हे दोघे एकमेकांशी भिडलेले दिसून आले. दुलीप ट्रॉफीमध्ये हा सर्व प्रकार घडला नेमकं काय घडलं? जाणून घेऊयात.
दुलीप ट्राफीच्या अंतिम लढाईला आता रंग चढला आहे. साऊथ झोन आणि ईस्ट झोन यांच्यात पाचदिवसीय लढत सुरु झाली. ईस्ट झोनने पहिल्यांदा फलंदाजी करण्याचा निर्णय घेतला. त्यानंतर वैभव सूर्यवंशीने आपली फटकेबाजी सुरु केली.
या सामन्यातील व्हिडिओमध्ये दिसून येत आहे की, वैभवनं केलेली फटकेबाजी पाहून साऊथ झोनचा कर्णधार तिलक याने बेबी बॉससोबत स्लेजिंग केलं.
दरम्यान, दोघांचेही संभाषण माइकमध्ये रेकॉर्ड झाले आहे. त्या संवादातील फक्त काय हा उपकर्णधार एवढंच स्पष्टपणे ऐकू येत आहे. परंतू त्यांच्यात खरंच मोठा वाद झाला की नाही हे अद्याप स्पष्ट होऊ शकलं नाही.
कारण यापूर्वी ते एकत्र क्रिकेट खेळले आहेत. लंका दौरा (अ संघ) त्यांनी एकत्र केला होता. त्यामुळे दोघांमध्ये काही टोकाचे वाद झाले असण्याची शक्यता कमी आहे.
परंतू सोशल मीडियावर या दोघांचा व्हिडिओ प्रचंड व्हायरल झाला आहे. दरम्यान, या सामन्यामध्ये वैभवने एकाच ओव्हरमध्ये 14 धावा ठोकल्या होत्या.
