रोनाल्डोच्या पहिल्या मुलाची आई कोण? बॉलिवूड अभिनेत्रीसोबतच्या अफेअरने चर्चांना उधाण

पोर्तुगालचा स्टार फुटबॉलर क्रिस्टियानो रोनाल्डो २०१६ मध्ये जॉर्जिना रॉड्रिगेजला पहिल्यांदा भेटले होता. जॉर्जिया तेव्हा गुच्चीच्या स्टोअरमध्ये काम करत होती. जॉर्जिनाने एका मुलाखतीत सांगितले होते की रोनाल्डोला पाहताच ती त्याच्या प्रेमात पडली होती. दोघे दीर्घकाळ रिलेशनशिपमध्ये होते. गेल्या वर्षी त्यांनी साखरपुडा केला आणि आता लग्नही केले आहे. रोनाल्डो हा जगातील महान फुटबॉलपटूंपैकी एक आहे. तो मैदानातील खेळीमुळे नेहमीच चर्चेत असतो, पण त्याचे वैयक्तिक जीवनही कायम चर्चेचा विषय बनला.

क्रिस्टियानो ज्युनियरची आई कोण आहे?

क्रिस्टियानो ज्युनियर हे रोनाल्डोच्या सर्वात मोठ्या मुलाचे नाव आहे. त्याचा जन्म तेव्हा झाला होता जेव्हा रोनाल्डो २५ वर्षांचा होता. क्रिस्टियानो ज्युनियरही आपल्या वडिलांसारखाच फुटबॉलपटू बनू इच्छितो. तो आता ज्युनियर क्लब टीमसाठी खेळायला सुरुवात करत आहे. रोनाल्डोने अनेक मुलाखतींमध्ये सांगितले आहे की त्याचा मोठा मुलगाही त्याच्यासारखाच कठोर डायट फॉलो करतो.

रोनाल्डोने कधीही हे उघड केले नाही की त्याच्या पहिल्या मुलाची आई कोण आहे. मात्र याबाबत वेगवेगळ्या चर्चा आहेत. क्रिस्टियानो ज्युनिअरची आई एकेकाळी डान्सर होती असे म्हटले जाते. रोनाल्डोने आपल्या मुलाला वाढवण्यासाठी त्या महिलेला खूप पैसे आणि राहण्यासाठी मोठे घर दिले असल्याच्या चर्चा आहेत.

रोनाल्डोचे बॉलिवूड अभिनेत्रीसोबत अफेअर

ही २००७ सालची गोष्ट आहे. पोर्तुगालच्या लिस्बनमध्ये एक समारंभ होता. यादरम्यान एका पार्टीत क्रिस्टियानो रोनाल्डो आणि बिपाशा बसू एकत्र होते. दोघांचा एक फोटो व्हायरल झाला होता. या फोटोमध्ये दोघे खूप जवळ उभे होते आणि कथितरीत्या किस करत होते. त्यानंतर दोघांच्या अफेअर आणि रोमान्सच्या बातम्या येऊ लागल्या. मात्र त्यानंतर दोघे कधीही एकत्र दिसले नाहीत. त्यामुळे ही फक्त एक अफवा असल्याचे वाटू लागले.

रोनाल्डोच्या नवजात मुलाचा मृत्यू झाला होता

जॉर्जिना आणि क्रिस्टियानो रोनाल्डोने २०२२ मध्ये जुळ्या मुलांचे आई-वडील होणार होते. पण डिलिव्हरीदरम्यान त्यांच्या मुलाचा मृत्यू झाला. मुलगी सुरक्षित जन्माला आली होती. हा रोनाल्डोच्या आयुष्यातील दुःखद काळ होता, ज्याची माहिती त्यांने स्वतः दिली होती.