Who is Madhav Tiwari : आईला क्रिकेटचे ज्ञान नाही, पण मुलाने IPL गाजवले! कोण आहे ४० लाखांचा स्टार ‘माधव तिवारी’?
Who is Madhav Tiwari, DC vs PBKS :पंजाब किंग्सविरुद्धच्या थरारक सामन्यात दिल्ली कॅपिटल्सने ३ गडी राखून विजय मिळवला. या विजयाचे खरे श्रेय माधव तिवारीला जाते. "माझ्या आईला क्रिकेटमधील 'क' सुद्धा कळत नाही, पण तिचा जो खंबीर पाठिंबा आहे" असे माधव तिवारीने सांगितले होते.
आयपीएल २०२६ च्या हंगामात एका २२ वर्षीय तरुणाने आपल्या अष्टपैलू खेळीने सर्वांचे लक्ष वेधून घेतले आहे. पंजाब किंग्सविरुद्धच्या थरारक सामन्यात दिल्ली कॅपिटल्सने ३ गडी राखून विजय मिळवला, आणि या विजयाचा खरा नायक ठरला तो म्हणजे माधव तिवारी.
२१० धावांच्या मोठ्या आव्हानाचा पाठलाग करताना दिल्लीची स्थिती ७४ वर ४ बाद अशी नाजूक झाली होती. अशा वेळी आपला पहिलाच सामना खेळणाऱ्या माधवने मैदानात पाय रोवला.
माधवने ४ ओव्हरमध्ये प्रियांश आर्या आणि कुपर कॉलनी यांसारख्या महत्त्वाच्या फलंदाजांना बाद करत पंजाबला रोखले. केवळ ८ चेंडूत १८ धावा कुटत त्याने दिल्लीच्या विजयावर शिक्कामोर्तब केले.
मध्य प्रदेशातील इंदूरमध्ये लहानाचा मोठा झालेल्या माधवला सुरुवातीला फक्त फलंदाजीची आवड होती. गोलंदाजी करणे त्याला थकवणारे वाटायचे. मात्र, माजी भारतीय क्रिकेटपटू अमेय खुरासिया यांनी त्याच्यातील सुप्त गुण ओळखले. खुरासिया यांच्या मार्गदर्शनाखाली माधव एक 'परफेक्ट ऑलराउंडर' म्हणून तयार झाला.
माधवचे वडील ट्रान्सपोर्ट व्यवसायात आहेत. त्यांनी आपल्या मुलाचे क्रिकेटचे स्वप्न पूर्ण करण्यासाठी कोणतीही कसर सोडली नाही. माधव सांगतो की, "माझ्या आईला क्रिकेटमधील 'क' सुद्धा कळत नाही, पण तिचा जो खंबीर पाठिंबा आहे, तीच माझी खरी प्रेरणा आहे."
आयपीएलच्या लिलावात दिल्ली कॅपिटल्सने माधवला ४० लाख रुपयांना आपल्या ताफ्यात सामील करून घेतले होते.
