Devendra Fadnavis : साहेब पाण्याचा थेंब नाही, बाजारात गेलो होतो पण…मुख्यमंत्र्यांपुढे हात जोडत शेतकरी ढसा ढसा रडला

मुख्यमंत्री देवेंद्र फडणवीस यांनी लातूर जिल्ह्यातील निलंगा तालुक्यातील जाऊ या गावाचा दौरा करत दुष्काळी स्थितीची पाहणी केली. त्यांच्यासमोर एका शेतकऱ्याला आपली व्यथा सांगताना अश्रू अनावर झाले. हाती काहीच शिल्लक राहिले नसल्याची भावना शेतकऱ्याने व्यक्त केली. यावर फडणवीसांनी शेतकऱ्यांना धीर देत, पुन्हा उभे करण्यासाठी जास्तीत जास्त मदत करण्याचे आश्वासन दिले.

यावेळी फडणवीसांनी करपलेल्या सोयाबीन पिकांची आणि तळ गाठलेल्या विहिरींची पाहणी केली. शेतकऱ्यांनी शेतातून काहीच हाती लागणार नाही, असे त्यांना दाखवले. कायद्यानुसार पंचनामे आवश्यक असले तरी, दुष्काळाची तीव्रता पाहता मदत सरसकटच करावी लागणार असल्याचे फडणवीसांनी नमूद केले. शेतकऱ्यांच्या पाठीशी सरकार भक्कमपणे उभे राहील, असा विश्वास त्यांनी व्यक्त केला.