Pitru Paksh : पितृ पक्षात वाहने खरेदी करावी कि नाही, जाणून घ्या शास्त्र काय सांगतं

भाद्रपदातील गणपती संपले की आश्विन महिन्यात नवरात्रीला सुरूवात होते. पण त्या दरम्यान्य पितृ पक्षाला सुरूवात होते. या काही दिवसांत आपल्या पूर्वजांना आपल्या पित्रांना स्मरूण पूजा विधी केली जाते. त्यांचे आशीर्वाद घेतले जातात. काही मान्यतेनुसार या काळात काही कामे करणे शुभ तर काही कामे अशुभ आहेत असे मानले. त्यामुळे या काळात घर घ्यावे कि नाही कार घ्यावी की नाही याबद्दल जाणून घ्या सविस्तर

शास्त्रानुसार या काळात रजिस्ट्रेशन, गृहप्रवेश, वाहन खरेदी यांसारखे काम करणे अशुभ मानले जाते. पण तुम्ही आधीच टोकन देऊन किंवा अडवॉन्स पेमेंट करून ती गोष्ट बुक करू शकता असे सांगितले जाते.एखादी नवी गोष्ट खरेदी करून घरी आणणे हे या काळात टाळले जाते पण तुम्ही बुकिंग करू शकता.

अनेक रिअल इस्टेट कंपन्या पितृ पक्षा दरम्यान ऑफर लाँच करतात.अनेक ऑटो कंपनी जाहीराती सुरू करतात त्यामुळे त्या काळात मोठ्या प्रमाणात बुकिंग केली जाते आणि वाहनांची दसऱ्यापर्यंत डिलिव्हरी केली जाते.

पितृ पक्षात बुकिंग करताना काय करावे?

पितृ पक्षात बुकिंग करताना काही पद्धती पाळणे आवश्यक असतात. बुकिंग करताना सगळ्यात आधी आपल्या पित्रांचे स्मरण करावे. जल, तीळ अर्पण करावे. मनोमनी प्रार्थना करून पितृदेव प्रसन्न अशी प्रार्थना करावी आणि हा सौदा फायद्याचा होऊदेत अशी प्रार्थना करावी. बुकिंगची रक्कम भरताना एक रूपया दान करावे आणि जल अर्पित करावे असे आपल्या शास्त्रात स्पष्ट केले आहे.

पितृ पक्ष सुरूवात आणि समाप्ती

हिंदू पंचांगानुसार पितृपक्ष भाद्रपद पौर्णिमेपासून किंवा आश्विन कृष्ण प्रतिपदेपासून सुरू होतो आणि आश्विन अमावस्येला म्हणजेच सर्वपित्री अमावस्येला पितृपक्ष संपतो.