आता घरबसल्या ऑर्डर करा Jio सिमकार्ड, कंपनीकडून घरपोच डिलिव्हरी मिळणार
टेलिकॉम ऑपरेटर कंपनी वापरकर्त्यांना नवीन जिओ सिम ऑनलाइन बुक करण्याचा आणि ते थेट घरी पोहोचवण्याचा पर्याय देत आहे.
मुंबई : भारत अजूनही करोना महामारीच्या परिस्थितीतून सावरलेला नाही. कोरोनाबाधित रुग्णांची संख्या दिवसेंदिवस वाढत आहे. त्यामुळे लोकांचे घराबाहेर पडणे धोकादायक आहे. अशा साथीच्या परिस्थितीमुळे, बहुतेक कंपन्यांनी त्यांच्या सर्व्हिसेससाठी ऑनलाइन पद्धत सुरू केली आहे. रिलायन्स जिओच्या बाबतीतही असेच आहे. टेलिकॉम ऑपरेटर कंपनी वापरकर्त्यांना नवीन जिओ सिम ऑनलाइन बुक करण्याचा आणि ते थेट घरी पोहोचवण्याचा पर्याय देत आहे. (Get Jio SIM card for free at home, company will deliver to your address; follow step by ste process)
जर तुम्हाला रिलायन्स जिओ सिम कार्ड खरेदी करायचे असेल तर आता तुम्हाला स्टोअरमध्ये जाण्याची गरज नाही. तुम्ही तुमच्या घरात बसून आरामात नवीन सिम मागवू शकता आणि त्याची होम डिलिव्हरी देखील मिळवू शकता. नवीन जिओ सिम ऑनलाईन बुक करण्यासाठी आणि ते घरी मिळवण्यासाठी कंपनीने दिलेल्या गाईडलाईन्स आम्ही तुम्हाला स्टेप-बाय-स्टेप सांगू, जेणेकरुन तुम्हाला अगदी सहजपणे सिमकार्ड मागवता येईल.
घरबसल्या सिम कार्ड कसं मागवणार?
- अधिकृत रिलायन्स जिओ वेबसाइटला भेट द्या.
- वेबसाइटच्या टॉपला दाखवलेल्या जियो सिम टॅबवर क्लिक करा.
- तुमचं पूर्ण नाव आणि मोबाईल नंबरसह काही वैयक्तिक तपशील प्रविष्ट करा.
- जनरेट ओटीपीवर क्लिक करा.
- तुमच्या मोबाईल नंबरवर पाठवलेला 6 अंकी OTP टाका.
- वेबसाइटवर सिमचा प्रकार – पोस्टपेड आणि प्रीपेड निवडण्याचा पर्याय दर्शवला जाईल.
- जिओकडून पोर्ट किंवा नवीन कनेक्शनसारखे पर्याय देखील दिले जातात. तुम्ही तुम्हाला हवा असलेला पर्याय निवडू शकता
- आता तुम्हाला संकेतस्थळामध्ये पत्ता, पिन कोड आणि घराचा नंबर यासह इतर तपशील जोडावे लागतील.
- पत्त्याचा तपशील जोडल्यानंतर, ‘नवीन जिओ सिम रिक्वेस्ट सबमिट करा’ या पर्यायावर क्लिक करा.
- आता तुमच्या विनंतीवर प्रक्रिया केली जाईल. वेबसाइट नंतर एक संदेश दर्शवेल ज्यामध्ये असे लिहिले असेल की, “जिओमधील तुमच्या इंट्रेस्टबद्दल धन्यवाद. तुमचा विद्यमान नंबर Jio ला पोर्ट करण्याची तुमची विनंती यशस्वीरित्या सबमिट करण्यात आली आहे. आमचे कार्यकारी लवकरच तुमच्याशी संपर्क साधतील.”
कोणकोणते डॉक्यूमेंट गरजेचे?
नवीन जिओ सिम डिलीव्हरीच्या वेळी, आपल्याला व्हेरिफिकेशनसाठी ID प्रूफ (POI) आणि अॅड्रेस प्रूफ (POA) द्यावं लागेल. तुम्ही आधार कार्ड, मतदार ओळखपत्र, पासपोर्ट आणि ड्रायव्हिंग लायसन्सपैकी कोणतेही एक दस्तऐवज तयार करू शकता.
इतर बातम्या
त्वरा करा! आयफोन 13 लाँच होण्यापूर्वी, आयफोन 12 वर हजारो रुपयांची सूट, काही तासांसाठीच आहे ऑफर
अवघ्या 6,999 रुपयात दमदार बॅटरी आणि जबरदस्त कॅमेरा असलेला स्मार्टफोन बाजारात
(Get Jio SIM card for free at home, company will deliver to your address; follow step by ste process)
