Koo App चा बदलला लूक, युजर्सना घेता येणार ब्राऊजिंगचा खास अनुभव
मागच्या आवृत्तीच्या तुलनेत हे एक महत्त्वाचे अपग्रेड आहे, ज्यात नव्या इंटरफेससह सहजपणे नेव्हिगेशन करता येते. यातून यूजर्सना (App users) एक उत्कृष्ट आणि रिअल टाइम अनुभव मिळतो. सोबतच यातून तुम्हाला सोशल मीडियाच्या दुनियेत तुम्हाला आगळ्या विचारांची व्यक्ती म्हणून ठसा उमटवण्याची संधी मिळते.
क्रिएटर्सना अधिकाधिक महत्त्व आणि वेगवान अनुभव देण्यासाठी बहुभाषिक मायक्रो-ब्लॉगिंग प्लॅटफॉर्म ‘कू’ ॲपने (Koo App) एक खास गोष्ट आणली आहे. iOS आणि ॲन्ड्रॉइड दोन्ही डिव्हाइसेसवर आपल्या यूजर्ससाठी ब्राउझिंगचा (Browsing) एक उत्कृष्ट अनुभव ‘कू’ने सादर केला आहे. दिसायला आकर्षक, सहज आणि ज्याच्याशी लगोलग जोडून घेता येईल असं हे डिझाइन युजर्सला विशेष ध्यानात घेऊन बनवले गेले आहे. मागच्या आवृत्तीच्या तुलनेत हे एक महत्त्वाचे अपग्रेड आहे, ज्यात नव्या इंटरफेससह सहजपणे नेव्हिगेशन करता येते. यातून यूजर्सना (App users) एक उत्कृष्ट आणि रिअल टाइम अनुभव मिळतो. सोबतच यातून तुम्हाला सोशल मीडियाच्या दुनियेत तुम्हाला आगळ्या विचारांची व्यक्ती म्हणून ठसा उमटवण्याची संधी मिळते.
‘कू’ ॲपचा नवा ब्राउझिंग अनुभव सगळ्या यूझर इंटरफेसला खास बनवतो. ॲपच्या डावीकडची रिकामी जागा काढून टाकली आहे. यातून कंटेंट आता एका कोपऱ्यापासून दुसऱ्या कोपऱ्यापर्यंत नीटपणे पसरला आहे. यातून यूजर्सना त्यांच्या गरजेची माहिती पाहणं अगदीच सोपे झाले आहे. यात अनावश्यक कंटेंटही कमी केला गेला आहे. परिणामी ॲप अगदीच स्वच्छ दिसते. यूजर्सचा अनुभव खूप जास्त सहज आणि कसलाही अडथळा नसलेला बनतो.
‘कू’चे डिझाइन हेड, प्रियांक शर्मा म्हणाले, “यूजर्स आनंदी रहावे हाच आमच्या ब्रॅंडचा मुख्य हेतू असतो. विशेषकरून जेव्हा आमच्या यूजर इंटरफेसचा विषय येतो, तेव्हा आम्ही आपल्या यूजर्सना सर्वात उत्कृष्ट अनुभव देण्याबाबत सतत सजग असतो. या उत्कृष्ट ब्राउझिंग अनुभवाची सुरवात करून आम्ही एक चांगला बहुभाषिक मायक्रो-ब्लॉगिंग प्लॅटफॉर्म बनण्याच्या दिशेने पाऊल उचलले आहे. याबाबत आम्हाला पूर्वीच कम्युनिटीकडून खूप चांगली प्रतिक्रिया मिळाली आहे. कू ॲपवर उत्कृष्ट ब्राउझिंग अनुभव सादर करण्याच्या दिशेने केलेली ही केवळ सुरवात आहे.”
सध्या ‘कू’ युजर्सना मराठी, हिंदी, गुजराती, कन्नड़, तमिल, बंगाली, असमिया, तेलुगू, पंजाबी आणि इंग्रजीत आपले विचार व्यक्त करण्याची संधी देतो. प्लॅटफॉर्म स्मार्ट फीचर्स लॉन्च करण्यासाठी सतत काम करतो. यातून यूजर्सच्या अनुभवांचा दर्जा वाढतो आणि त्यांना प्लॅटफॉर्मवर अधिकाधिक आनंद घेता येतो. ‘कू’ने डार्क मोड, टॉक-टू-टाइप, चॅट रूम, लाइव्ह ही काही प्रमुख फीचर्स नुकतीच लॉन्च केली आहेत.
काय आहे कू?
‘कू’ची स्थापना मार्च 2020 मध्ये भारतीय भाषांमधला बहुभाषिक मायक्रो-ब्लॉगिंग प्लॅटफॉर्म म्हणून झाली. सध्या Koo मराठीसह इंग्रजी, हिंदी, गुजराती, कन्नड, तेलुगू, तमिळ, आसामी, पंजाबी आणि बंगाली अशा 10 भाषांमध्ये उपलब्ध आहे. ‘कू’च्या अनोख्या वैशिष्ट्यांपैकी एक म्हणजे भाषांतर सुविधा. मूळ मजकुरातली भावना आणि संदर्भ जसेच्या तसे राखत युजर्सना त्यांचा संदेश विविध भारतीय भाषांमध्ये अनुवादित करून पाठवण्याची रिअल टाइम सुविधा देते. नुकताच ‘कू’ने 3 कोटींहून अधिक डाउनलोड्सचा टप्पा गाठला आहे. राजकारण, क्रीडा, माध्यम, कला, अध्यात्म या क्षेत्रातील 7 हजारांहून जास्त दिग्गज Koo च्या माध्यमातून आपल्या चाहत्यांशी नियमित संवाद साधत असतात.