Redmi लवकरच लाँच करणार नवा फोन, थेट Vivo, Poco ला देणार टक्कर, फिचर्स काय?

Redmi smartphone 15c

ग्राहकांची प्रतीक्षा संपवत रेडमीने परवडणाऱ्या किमतीत मोठी बॅटरी आणि मोठी स्क्रीन असलेला Redmi 15C 5G हा स्मार्टफोन लाँच केला आहे. हा फोन इंस्टाग्राम रील्स आणि यूट्यूब शॉर्ट्सवर व्हिडिओ पाहण्याचा आनंद घेणाऱ्यांसाठी उपयुक्त ठरणार आहे. या परवडणाऱ्या फोनमध्ये रिव्हर्स चार्जिंगसह काही फिचर्स देखील आहेत. चला तर रेडमीच्या या स्मार्टफोनची किंमत आणि अनोखे फिचर्स जाणून घेऊयात.

Redmi 15C 5G ची भारतातील किंमत

रेडमी स्मार्टफोनच्या 4 जीबी/128 जीबी बेस व्हेरिएंटची किंमत 12,499 रुपये, तर 6 जीबी/128 जीबी व्हेरिएंटची किंमत 13,999 रुपये आणि टॉप 8 जीबी/128 जीबी व्हेरिएंटची किंमत 15,499 रुपये आहे. त्यातच या फोनच्या उपलब्धतेबद्दल बोलायचे झाले तर हा फोन 11 डिसेंबर रोजी कंपनीच्या अधिकृत वेबसाइट, Mi.com, तसेच Amazon वर विक्रीसाठी उपलब्ध होईल. हा फोन मिडनाइट ब्लॅक, मूनलाईट ब्लू आणि डस्क पर्पल या तीन रंग पर्यायांमध्ये उपलब्ध आहे.

Redmi 15C 5G प्रतिस्पर्धी

या किंमतीच्या रेंजमध्ये रेडमी कंपनीचा हा नवीनतम फोन Oppo K13x 5G, Poco M7 Pro 5G, Realme P3 Lite 5G, Vivo T4 Lite 5G सारख्या बजेट स्मार्टफोन्सना कडक टक्कर देणार आहे.

Redmi 15C 5G स्पेसिफिकेशन्स

• डिस्प्ले: या रेडमी फोनमध्ये 120 हर्ट्झ रिफ्रेश रेट सपोर्टसह 6.9-इंचाचा एचडी प्लस एलसीडी डिस्प्ले आहे.
• चिपसेट: स्पीड आणि मल्टीटास्किंगसाठी, या हँडसेटमध्ये मीडियाटेक डायमेन्सिटी 6300 प्रोसेसर वापरण्यात आला आहे.
• कॅमेरा सेटअप: फोनच्या मागील बाजूस 50-मेगापिक्सेलचा ड्युअल रियर कॅमेरा आणि समोर ८-मेगापिक्सेलचा सेल्फी कॅमेरा सेन्सर आहे.
• बॅटरी: फोनला पॉवर देणारी ६०००mAh ची शक्तिशाली बॅटरी आहे जी 33W वायर्ड फास्ट चार्जिंगला सपोर्ट करते. फास्ट चार्जिंग व्यतिरिक्त, फोन 10W रिव्हर्स वायर्ड चार्जिंगला देखील सपोर्ट करतो.
• ऑपरेटिंग सिस्टम: हा फोन अँड्रॉइड 15 वर आधारित हायपरओएस 2 वर चालतो. कंपनीने या फोनसाठी दोन वर्षांचे ओएस अपडेट्स आणि चार वर्षांचे सुरक्षा अपडेट्स देण्याचे आश्वासन दिले आहे.
• एआय फीचर्स: हा फोन गुगल जेमिनी आणि सर्कल टू सर्च सारख्या एआय फीचर्सना देखील सपोर्ट करतो.