या दिवशी iQOO Z11 स्मार्टफोन होणार भारतात लाँच, जाणून घ्या किंमत अन् फिचर्स
iQOO Z11 स्मार्टफोनच्या भारतातील लाँच तारीख 20 ऑगस्ट निश्चित झाली आहे. हा स्मार्टफोन नवीन डिझाइन, मीडियाटेक डायमेन्सिटी 7500 टर्बो चिपसेट आणि पॉवरफूल फिचर्ससह धमाकेदार एन्ट्री घेणार आहे.
स्मार्टफोन ब्रँड iQoo ने अधिकृतपणे सांगितले आहे की त्यांचा नवीन iQoo Z11 हा फोन 20 ऑगस्ट रोजी भारतात लाँच केला जाईल. लाँचपूर्वी या फोनच्या टीझर्स आणि लीक्समुळे त्याचे डिझाइन, प्रोसेसर, डिस्प्ले आणि अपेक्षित किंमत यांसारखे अनेक तपशील समोर आले आहेत. विशेष म्हणजे भारतीय मॉडेल चीनमध्ये लाँच झालेल्या व्हेरिएंटपेक्षा लक्षणीयरीत्या वेगळे असेल. कंपनी हा फोन नवीन मीडियाटेक प्रोसेसरसह लाँच करण्याची योजना आखत आहे. चला तर मग हा फोन कोणत्या नवीन चिपसेट आणि पॉवरफूल फिचर्ससह भारतात सादर होणार आहे ते जाणून घेऊयात.
भारतात फोनची नवीन डिझाइन आणि एक नवीन प्रोसेसर उपलब्ध होईल
iQOO Z11 चा भारतीय व्हेरिएंट चीनमध्ये लाँच झालेल्या मॉडेलपेक्षा वेगळा असेल. लीक झालेल्या माहितीनुसार यामध्ये मीडियाटेक डायमेन्सिटी 7500 टर्बो प्रोसेसर असेल, ज्यामुळे हा चिपसेट असलेला भारतातील पहिला स्मार्टफोन ठरेल. दुसरीकडे चीनी मॉडेलमध्ये डायमेन्सिटी 8500 प्रोसेसर आहे. कंपनीच्या टीझरमधून हे देखील समोर आले आहे की, भारतीय मॉडेलमध्ये स्क्वेअर कॅमेरा मॉड्यूलऐवजी आडव्या पिल-शेप्ड कॅमेरा डिझाइन असेल, ज्यामुळे त्याला एक पूर्णपणे वेगळा लुक मिळेल.
डिस्प्ले, कॅमेरा आणि रंग पर्यायांची माहिती
लीक झालेल्या माहितीनुसार iQOO Z11 मध्ये 6.83-इंचाचा 1.5K 3D कर्व्ह्ड AMOLED डिस्प्ले असण्याची शक्यता आहे, जो 144Hz रिफ्रेश रेट आणि 5,000 nits पर्यंतच्या पीक ब्राइटनेसला सपोर्ट करेल.
या फोनमध्ये 3D कर्व्ह्ड डिस्प्ले, एक कर्व्ह्ड बॅक पॅनल आणि ड्युअल रियर कॅमेरा सेटअप असेल.
पॉवर आणि व्हॉल्यूम बटणे उजव्या बाजूला असतील, तर स्पीकर ग्रिल आणि मायक्रोफोन वरच्या बाजूला असतील.
हा स्मार्टफोन ऑरोरा ग्रीन आणि सेलेस्टियल ब्लू या दोन रंगांमध्ये उपलब्ध होण्याची शक्यता आहे, तथापि कंपनीने अद्याप त्यांच्या अधिकृत नावांची माहिती दिलेली नाही.
अपेक्षित किंमत आणि स्मार्टफोन कुठे मिळेल
iQOO इंडियाचे सीईओ यांनी यापूर्वी सोशल मीडिया प्लॅटफॉर्म इंस्टाग्रामवर स्मार्टफोनच्या लाँचची माहिती दिली होती, त्यानंतर कंपनीने 20 ऑगस्ट ही तारीख अधिकृतपणे निश्चित केली. अलीकडील लीक्सनुसार iQOO Z11 च्या बेस व्हेरिएंटची किंमत 29 हजार 999 रूपये ते 34 हजार 999 रूपये या दरम्यान असू शकते. लाँच झाल्यावर हा स्मार्टफोन iQOO च्या ऑनलाइन स्टोअर, प्रमुख ई-कॉमर्स प्लॅटफॉर्म आणि ऑफलाइन रिटेल स्टोअर्सद्वारे विक्रीसाठी उपलब्ध होईल.
