Vodafone Idea ने लाँच केले नवे प्रीपेड प्लॅन, 128 रुपयांत मिळणार ‘हे’ फायदे
Vodafone Idea (व्हीआय) चे नवे रिचार्ज प्लॅन युजर्ससाठी खूप फायदेशीर आहेत. 128 रुपयांचा स्वस्त प्लॅन असो किंवा 365 रुपयांचा सुपरहिरो प्लॅन असो, व्हीआय सर्व प्रकारच्या युजर्ससाठी उत्तम प्लॅन ऑफर करते. तुम्हीही डेटा आणि दीर्घ वैधता असलेला प्रीपेड प्लॅन शोधत असाल तर Vi चे हे नवे प्लॅन नक्की पहा.
व्होडाफोन आयडिया (Vi) ही भारतातील तिसरी सर्वात मोठी टेलिकॉम कंपनी आहे. या कंपनीने त्यांच्या प्रीपेड प्लॅनमध्ये नुकतेच काही नवे बदल केले आहेत. लोकांच्या गरजा अधिक चांगल्या प्रकारे पूर्ण करणे हा या बदलांचा उद्देश असून त्यांनी हा प्लॅन लाँच केला आहे. विशेष म्हणजे, व्हीआयने नवीन ‘सुपरहिरो पॅक’ आणि ‘हिरो पॅक’ लाँच केले आहेत, ज्यात वापरकर्त्यांना अधिक डेटा आणि जास्त वैधता मिळते. जाणून घेऊया व्हीआयच्या नव्या प्लॅनबद्दल.
व्हीआय सुपरहिरो योजना
व्हीआयने नवीन ‘सुपरहिरो पॅक’ लाँच केले आहेत, विशेषत: जे युजर्स जास्त डेटा वापरतात. या प्लॅनमध्ये युजर्संना दररोज २ जीबी किंवा त्यापेक्षा जास्त डेटा मिळणार आहे. याशिवाय स्पेशल ऑफर अंतर्गत अर्धा दिवस अनलिमिटेड डेटा (रात्री १२ ते १२ वाजेपर्यंत) मिळणार आहे.
व्हीआय सुपरहिरो प्लॅनची किंमत ३६५ रुपयांपासून सुरू होते. या रिचार्ज प्लॅनमध्ये 365 रुपये, 379 रुपये, 407 रुपये, 449 रुपये, 539 रुपये, 649 रुपये असे अनेक पर्याय आहेत. हे प्लॅन खास तरूणांना डोळ्यासमोर ठेवून लाँच करण्यात आले आहेत, तसेच सकाळी जास्त डेटा वापरणाऱ्या महिलांसाठीही हे प्लॅन फायदेशीर आहेत.
व्हीआय हीरो अनलिमिटेड प्लॅन
व्हीआयच्या हिरो अनलिमिटेड प्लॅनमध्ये अद्याप कोणताही मोठा बदल करण्यात आलेला नाही. या प्लॅनमध्ये युजर्संना रात्री अनलिमिटेड डेटा वापरण्याची सुविधा मिळते. या प्लॅनमध्ये ३४९ रुपये, ५७९ रुपये, ६६६ रुपये, ७९९ रुपये असे प्लॅनचे पर्याय आहेत. यातील काही प्लॅनमध्ये एक्स्ट्रा डेटा देखील मिळतो आणि 5जी डेटाची सुविधाही आहे.
व्हीआय १२८ रुपयांचा प्रीपेड प्लॅन
व्हीआयने १२८ चा नवा प्रीपेड प्लॅन देखील लाँच केला आहे. हा एक सर्वसामान्य परवडणारा प्लॅन आहे, ज्यात युजर्संना 18 दिवसांची वैधता, 10 लोकल नाईट मिनिट्स (रात्री 11 ते सकाळी 6) आणि 100 एमबी डेटा मिळतो.
व्हीआय १११२ रुपयांचा प्रीपेड प्लॅन
ही योजना (नवीन ब्रॉडबँड कनेक्शनसाठी) व्हीआय वन पोर्टफोलिओचा भाग आहे. याला व्हीआय वन फायबर प्लॅनसह खरेदी करता येईल. १११२ रुपयांच्या या प्लॅनमध्ये ९० दिवसांची वैधता, दररोज २ जीबी डेटा, १०० एसएमएस आणि अनलिमिटेड कॉलिंग मिळते. याशिवाय युजर्संना सोनी लिव्ह आणि डिस्ने+ हॉटस्टारचे ९० दिवसांचे सब्सक्रिप्शन मिळते. हा प्लॅन मुंबई, महाराष्ट्र आणि गुजरातमध्ये उपलब्ध आहे.
