भारतात आल्यावर पोलिश महिलेला लागल्या या 15 सवयी, शेवटच्या सवयीची प्रचंड चर्चा, ऐकून तुम्हीही…

भारत हा विविध संस्कृती, परंपरा, पाहुणचार आणि माणुसकीसाठी जगभरात ओळखला जातो. अनेक परदेशी पर्यटक भारतात केवळ पर्यटनासाठीच नाही तर येथील जीवनशैली, संस्कृती आणि लोकांशी जवळीक साधण्यासाठी येतात. काहीजण तर भारतीय समाजात इतके रमून जातात की भारत त्यांच्या आयुष्याचा अविभाज्य भाग बनतो. अशाच एका पोलिश महिलेने भारतातील तिचे अनुभव सोशल मीडियावर शेअर केले असून, तिची पोस्ट सध्या मोठ्या प्रमाणावर व्हायरल होत आहे.

पोलंडमधील डोमिनिका पटालास कालरा यांनी त्यांच्या इन्स्टाग्राम अकाउंटवर भारतात राहिल्यानंतर अंगीकारलेल्या 15 खास सवयींची यादी शेअर केली आहे. भारतात प्रथम आल्यावर येथील संस्कृती, लोकांचे वागणे आणि दैनंदिन जीवन पाहून तिला सुरुवातीला आश्चर्य वाटले होते. मात्र, जसजसा तिचा भारतातील मुक्काम वाढत गेला, तसतसे तिला येथील जीवनशैली आवडू लागली आणि ती भारतीय संस्कृतीशी एकरूप झाली.

भारतातच अनुभवता येणाऱ्या 15 खास सवयी

1. कधी कधी स्वच्छतेची फारशी चिंता न करता रस्त्यावरील खाद्यपदार्थांचा आनंद घेता येतो. 2. फक्त काही क्षणांच्या ओळखीनंतर ऑटोचालकासोबत सहज प्रवास करता येतो. 3. इतर पादचाऱ्यांसोबत वाहतुकीतून रस्ता ओलांडण्याचे धाडस करता येते. 4. रस्त्याकडील छोट्या टपरीवरचा चहा मनमुराद पिण्याचा आनंद घेता येतो. 5. अनोळखी व्यक्तीकडे निर्धास्तपणे रस्ता विचारता येतो. 6. फार विचार न करता एखाद्याच्या घरी जाण्याचा सहजपणा अनुभवता येतो. 7. ओळखीच्या किंवा अनोळखी काकू करिअर, लग्न किंवा वजनाबद्दल सहजपणे प्रश्न विचारू शकतात. 8. अतितिखट पदार्थ खाल्ल्यानंतरही “हे फार तिखट नाही” असे म्हणण्याची सवय लागते. 9. ऑटो, बस किंवा रेल्वेमध्ये गर्दीत प्रवास करताना वैयक्तिक जागेची अपेक्षा ठेवता येत नाही. 10. मध्यरात्री जेवण करणेही येथे अगदी सामान्य मानले जाते. 11. लग्नसमारंभात बहुतेक पाहुणे अनोळखी असले तरी आनंदाने सहभागी होता येते. 12. शेजाऱ्यांनी दिलेले अन्न नकार न देता स्वीकारणे ही आपुलकीची भावना मानली जाते. 13. कोणालाही सहजपणे भैया, दीदी, अंकल किंवा आंटी म्हणून संबोधता येते. 14. रस्त्याकडील चहाच्या टपरीवर तासन्‌तास गप्पा मारत बसण्याचा आनंद घेता येतो. 15. सर्वांत मजेशीर म्हणजे, खूप अंतरावर असतानाही ‘मी फक्त पाच मिनिटांत पोहोचते’ असे सहज सांगता येते.

View this post on Instagram

A post shared by Dominika Patalas-Kalra (@domipatalas)

या पोस्टच्या शेवटी डोमिनिकाने अतिशय प्रेमळ शब्दांत लिहिले की, भारतातील नियम आणि जीवन जगण्याची पद्धत इतर देशांपेक्षा खूप वेगळी आहे आणि हाच तिचा सर्वात मोठा आकर्षणबिंदू आहे.