Viral Video: 150 किलोची पल्सर डोक्यावर घेऊन हे महाशय थेट बसच्या टपावर चढले, असा देसी जुगाड तुम्ही पाहिला नसेल!

45 सेकंदाचा हा व्हिडीओ पाहून अनेकांना आश्चर्याचा धक्का बसला आहे

जगात टॅलेंटेड लोकांची कमी नाही. त्यात भारतातील लोक तर काय जुगाड करतील हे सांगता येत नाही. हे पाहुन अनेकदा प्रश्न पडतो, आपल्याकडे इतकं टॅलेंट असताना आपण मागे का राहतो. सध्या सोशल मीडियावर असाच एक व्हिडीओ व्हायरल होत आहे, या व्हिडीओत एक माणूस चक्क डोक्यावर पल्सर घेऊन बसवर चढताना दिसतो आहे. 45 सेकंदाचा हा व्हिडीओ पाहून अनेकांना आश्चर्याचा धक्का बसला आहे. IPS रुपीन शर्मा यांनी हा व्हिडीओ ट्विट करत लिहलं आहे, वा काय बॅलेंस आहे! (A man riding a Pulsar bike climbed on top of the bus)

या व्हिडीओत तुम्ही पाहून शकता, एक बस उभी आहे. बस जवळचं काही लोक पल्सर बाईकला घेऊन उभे आहे. याचवेळी तिथं असलेल्या एक व्यक्ती या बाईकला उचलून आपल्या डोक्यावर ठेवतो. आणि हळू हळू बसची शिडी चढू लागतो. विशेष गोष्ट म्हणजे, शिड्या चढताना बाईकला लावलेले दोन्ही हात हा व्यक्ती सोडून देतो आणि डोक्यावर बॅलंस करत ही बाईक थेट बसच्या टपावर पोहचवतो.

पाहा व्हिडीओ:

आता तुम्ही पल्सरचं वजन काढलं तर ते 150 किलोच्या जवळपास आहे. रस्त्यावर चालवतानाही अनेकांना बाईकला बॅलंस करणं जमत नाही, त्यात हे महोदय थेट डोक्यावर घेऊन ही बाईक बॅलंस करत आहेत. या महाशयांच्या ताकदीचं आणि बॅलंसचं लोक भरभरुन कौतुक करताना दिसत आहेत.

आयपीएस रुपीन शर्मा यांनी आपल्या ट्विटर अकाऊंटवरुन हा व्हिडीओ ट्विट केला आहे. याच्या कॅप्शनमध्ये त्यांनी लिहलंय, वाह, काय बॅलंस आहे, परत एखदा भारतीय जुगाड. हा व्हिडीओ नेटकऱ्यांना चांगलाच आवडताना दिसतो आहे. एका युजने कमेंट केलीय की, आपल्या देशात टॅलेंटची कुठलीही कमी नाही, फक्त त्यांना सन्मानित करणाऱ्यांची कमी आहे. अशाच काही प्रतिक्रियांवर एक नजर टाकुयात..