Video: ‘माकडाला कळतं, कसं खायचं, तुला नाही!’, माकडाचा व्हिडीओ पाहून मित्रांना टॅग करणं सुरु!
व्हायरल झालेल्या व्हिडिओ क्लिपमध्ये खुर्चीवर बसलेले एक छोटं माकड मोठ्या उत्साहाने जेवण करत असल्याचे तुम्ही पाहू शकता. हे माकड एका भांड्यात ठेवलेली खीर चमच्याने खात आहे
प्राण्यांचे अनेक गोंडस व्हिडिओ सोशल मीडियावर व्हायरल होत असतात. यातील काही व्हिडिओ खूप मजेदार असतात, जे पाहिल्यानंतर तुमच्या चेहऱ्यावर हसू उमटतं. तर काही व्हिडिओ पाहिल्यानंतर तुम्हालाही आश्चर्य वाटतं आणि तुम्ही विचारात पडता. विशेषतः सोशल मीडिया यूजर्सना माकडांशी संबंधित व्हिडिओ पाहायला आवडतात. खरंतर माकडांच्या पिलांमधला गोंडसपणा एवढा असतो की, ते व्हिडीओ पुन्हा पुन्हा बघायला आवडतात. सध्या एका माकडाचा असाच एक व्हिडिओ इंस्टाग्रामवर चांगलाच व्हायरल होत आहे. जो पाहिल्यानंतर सगळ्यांनाच आश्चर्य वाटत आहे. (Animal Video Shows Monkey eating Food with spoon like human Video goes Viral)
व्हायरल झालेल्या व्हिडिओ क्लिपमध्ये खुर्चीवर बसलेले एक छोटं माकड मोठ्या उत्साहाने जेवण करत असल्याचे तुम्ही पाहू शकता. हे माकड एका भांड्यात ठेवलेली खीर चमच्याने खात आहे, जणू एखादा माणूसच ती खात आहे. हा व्हिडिओ पाहिल्यानंतर तुम्हालाही आश्चर्य वाटेल की हे माकड चमच्याचा इतक्या सहजतेने कसं वापर करु शकतं. कारण या माणसांच्या मुलांना चमचा कसा धरायचा हेही समजत नाही त्या वयात माकड चमच्याने भराभर खात आहे.
व्हिडीओ पाहा:
माकडाचा हा अतिशय गोंडस व्हिडिओ इंस्टाग्रामवर monkey.lovable या अकाऊंटवरून शेअर करण्यात आला आहे. 13 नोव्हेंबर रोजी शेअर केलेल्या या व्हिडिओला 1 लाख 80 हजारांहून अधिक लोकांनी लाईक केले आहे. लोकांना हा व्हिडिओ खूप आवडला आहे. माकडाच्या शिष्टाचाराचे सर्वजण कौतुक करत आहेत. या व्हिडिओवर डझनभर लोकांनी आपल्या प्रतिक्रिया दिल्या आहेत.
हा व्हिडीओ पाहिल्यानंतर कोणी म्हणतो की, हा मुलांपेक्षाही चांगल्याप्रकारे खात आहे, तर काही युजर्सनी त्यांच्या मित्रांना टॅग करत लिहिले आहे की, तुम्ही जेवण कसे करता आणि हे कसं करतंय पाहा. एकूणच हा व्हिडिओ लोकांना खूप आवडला आहे.
हेही पाहा: