फॉरेनची पाटलीन! बेल्जियमची मुलगी रिक्षा चालकाच्या प्रेमात वेडी, लग्न करायला भारतात
त्यांची आधी मैत्री झाली आणि मग हळूहळू ती मैत्री फुलू लागली.
भारतातली मुलं सर्रास परदेशी मुलींशी लग्न करतात. असंही प्रेमाला कुठे कसली बंधनं असतात नाही का? देश, भाषा, जात पात कसलंच बंधन नाही. नुकतंच बिहारच्या एका इंजिनिअरनं इंग्लंडहून आलेल्या मुलीशी लग्न केलं आणि तिला भारतात बोलावलं. आता कर्नाटकमधून एक प्रकरण समोर आलं की, एका ऑटो चालकाने बेल्जियमच्या मुलीशी लग्न केलं.
हे प्रकरण कर्नाटकातील विजयनगर इथल्या एका ऑटो चालकाशी संबंधित आहे. मीडिया रिपोर्टनुसार, या मुलीचं नाव कॅमिल असून अनंतराजू असं या ऑटो चालकाचं नाव आहे.
सोशल मीडियावर दोघे पहिल्यांदा एकमेकांना भेटले. सोशल मीडियावर त्यांची आधी मैत्री झाली आणि मग हळूहळू ती मैत्री फुलू लागली.
30 वर्षीय अनंतराजू एका ऑटो चालकासोबत टुरिस्ट गाईड म्हणून काम करतात आणि ही मुलगी आपल्या कुटुंबासमवेत आपल्या बेल्जियम या देशात राहते.
जेव्हा त्यांच्या मैत्रीचे रुपांतर प्रेमात होऊ लागले. असेही सांगितले जात आहे की, वर्ष 2019 मध्ये कॅमिल आपल्या कुटुंबासह हम्पी, कर्नाटक येथे फिरायला आली होती.
मग अनंतराजू त्यांचे मार्गदर्शक बनले. अनंतराजू यांनीच त्यांना कर्नाटकात फिरवून त्यांच्या राहण्याची आणि जेवणाची व्यवस्था केली.
मुलगी आपल्या देशात गेली तेव्हा सोशल मीडियाच्या माध्यमातून दोघांचाही संपर्क आला. हळूहळू दोघांमध्ये जवळीक वाढू लागली आणि मैत्रीचं रुपांतर प्रेमात झालं.
दरम्यान, मुलीने या रिक्षाचालकाला लग्नाचा प्रस्ताव दिला आणि होकारार्थी उत्तर मिळाले. कॅमिल आपल्या कुटुंबातील काही सदस्यांसह थेट भारतात पोहोचली. मंदिरात जाऊन तिने थाटामाटात लग्न केले. हा विवाह नुकताच पार पडलाय.