Video : मजबूत माणसाचेही हात थरथरले! नवजात बाळाला पहिल्यांदाच कुशीत घेतलं अन् बाबांचे हात थरथरू लागले; हृदयस्पर्शी…

आई जितकी बाळाची वाट त्याचे बाबा देखील पाहत असतात. वडिलांसाठीही पहिल्यांदा आपल्या बाळाला हातात घेणं हा आयुष्यातील अविस्मरणीय अनुभव असतो. सध्या सोशल मीडियावर असाच एक व्हिडिओ व्हायरल होत आहे जो तुमच्या मनाला स्पर्शून झाली.

Video : मजबूत माणसाचेही हात थरथरले! नवजात बाळाला पहिल्यांदाच कुशीत घेतलं अन् बाबांचे हात थरथरू लागले; हृदयस्पर्शी...
viral video
Image Credit source: tv9 marathi
| Updated on: Nov 22, 2026 | 2:29 PM

नवजात बाळाला पहिल्यांदाच हातात घेताच वडिलांचे हात थरथरले! बाळाला कुशीत घेण्याचा तो क्षण पाहून नेटकरीही

 

Loading...

घरात बाळाचं आगमन होणारं म्हटलं की संपूर्ण कुटुंब आनंदात असतं. आईसाठी नऊ महिन्यांचा प्रवास संपून बाळाला पाहण्याचा क्षण खास असतो. तितकीच बाळाची वाट त्याचे बाबा देखील पाहत असतात. वडिलांसाठीही पहिल्यांदा आपल्या बाळाला हातात घेणं हा आयुष्यातील अविस्मरणीय अनुभव असतो. पण हा क्षण जितका आनंदाचा असतो. तितकीच मनात धाकधूकही असते. सध्या सोशल मीडियावर अशाच एका वडिलांचा व्हिडिओ व्हायरल होत आहे. आपल्या नवजात बाळाला पहिल्यांदाच हातात घेताना त्यांच्या हातांना अक्षरक्ष: कंपन सुटते. त्यांचा हा क्षण पाहून अनेकजण भारावून गेले आहेत.

बाळाला हातात घेताना वडिलांची घाबरगुंडी

व्हायरल व्हिडिओमध्ये रूग्णालयातील एक दृश्य दिसतं.नर्स नवजात बाळाला त्याच्या वडिलांच्या हातात देण्यासाठी पुढे येते. बाळाला पाहताच वडिलांच्या चेहऱ्यावर आनंद दिसतो. पण त्याचवेळी ते थोडे घाबरलेलेही असतात. बाळाला हातात घेण्यासाठी ते पुढे होतात. मात्र त्यांचे हात थरथरू लागतात. नवजात बाळ खूप नाजूक असतं. याची त्यांना जाणीव असते. त्यामुळे बाळाला नीट कसं धरायचं त्याला त्रास होणार नाही ना याची काळजी त्यांच्या चेहऱ्यावर स्पष्ट दिसते. ते अतिशय सावधपणे बाळाला हातात घेण्याचा प्रयत्न करतात. त्यावेळी नर्स त्यांना आधार देते आणि बाळाला योग्य पद्धतीने पकडण्यास मदत करते. काही क्षणांच्या प्रयत्नानंतर अखेर ते आपल्या चिमुकल्याला कुशीत घेतात. त्या क्षणी त्यांच्या चेहऱ्यावरचा आनंद पाहण्यासारखा असतो. आजूबाजूला उपस्थित असलेले लोकही हे दृश्य पाहून हसताना दिसतात.

 

 

मजबूत माणसाचेही हात इथेच थरथरतात

हा व्हिडिओ सोशल मीडियावर शेअर केल्यानंतर भरपूर व्हायरल झाला आहे. तो कोणाचा आहे त्यांचे नाव हॉस्पीटलाचे नाव ही माहिती अद्याप स्पष्ट झालेली नाही. हा व्हिडिओ शेअर करताना त्यासोबत आयुष्यात अनेक संकटांचा सामना करणारा माणूसही जेव्हा आयुष्य त्याला आनंदाचं कारणं देतं तेव्हा असाच भावूक होतो. अशा प्रकारचे कॅप्शन दिले आहे.

नेटकऱ्यांना आठवले स्वत:च्या आयुष्यातील क्षण

व्हिडिओ पाहून अनेकांनी आपल्या अनुभवांनाही उजाळा दिला आहे. पहिल्यांदा बाळाला हातात घेताना आपलेही हात असेच थरथरले होते.असं काहींनी सांगितलं. तर काहींनी ही भीती नसून आपल्या बाळाला सुरक्षित ठेवण्याची जबाबदारी जाणवल्यामुळे आलेली घालमेल असल्याचं म्हटलं आहे.

या व्हिडिओमध्ये नर्सने वडिलांना ज्या पद्धतीने धीर दिला, त्याचंही कौतुक होत आहे. काही सेकंदांचा हा व्हिडिओ मात्र वडिल होण्याचा पहिला अनुभव किती भावनिक असू शकतो, हे दाखवून जातो. बाळाला पहिल्यांदा कुशीत घेण्याचा तो क्षण शब्दात सांगण्यापेक्षा अनुभवण्याचा जास्त सुंदर असतो.

Loading...
Unable to load recommendations.
Follow Us