Uttar Pradesh : रुग्णालयात महिलेची तरुणाला बेल्ट-स्टिकने मारहाण, व्हिडीओ व्हायरल होताचं सगळे हादरले

या कारणामुळे खासगी रुग्णालयात तरुणाला विवस्त्र करून बेल्ट-स्टिकने मारहाण, पाहा काय केलंय

उत्तर प्रदेश : उत्तर प्रदेश (Uttar Pradesh) राज्याची राजधानी लखनऊ (Lucknow) येथील एक व्हिडीओ (Viral Video) सोशल मीडियावर प्रचंड व्हायरल होत आहे. त्यामध्ये एका तरुणाला विवस्त्र करुन बेल्ट-स्टिकने मारहाण केली जात आहे. त्या व्हिडीओत एक महिला दोन पुरुष असे मिळून रुग्णालयात त्या तरुणाला रुग्णालयात मारहाण करीत आहेत.

विशेष म्हणजे हा व्हिडीओ लखनऊमधील निजी रुग्णालयातील आहे. तरुणाने हॉस्पीटलचं बील भरण्यास नकार दिल्यामुळे महिलेने मारहाण केल्याची माहिती एका वेबसाईटने दिली आहे. त्याचबरोबर तिथं उपस्थित असलेल्या सगळ्या रुग्णांच्या समोर मारहाण करण्यात आली आहे.

ज्यावेळी व्हिडीओमध्ये दिसत असलेली महिला तरुणाला मारत आहे. त्यावेळी तो त्यांना विनंती करीत आहे, की मला मारु नका. परंतु दोन पुरुषांच्या मदतीने महिलेने रुग्णाची चांगली धुलाई केल्याचं व्हिडीओत स्पष्ट दिसत आहे.

संबंधित मारहाण करण्यात आलेल्या तरुणाच्या पोटाचं ऑपरेशन करण्यातं आलं आहे. ज्यावेळी त्याला डिस्चार्ज देण्याची वेळी आली, त्यावेळी त्याला झालेलं बील सांगण्यात आलं. परंतु त्याच्याकडे तेवढे पैसे नसल्यामुळे त्याला मारहाण करण्यात आली आहे. ज्यावेळी मारहाण करण्यात आली, त्यावेळी तिथं उपस्थित असलेल्या लोकांनी ती घटना मोबाईलमध्ये कैद केली आहे.

तरुणाने अर्ध बील माफ करण्याची विनंती केल्यामुळे त्याला मारण्यात आलं आहे. संबंधित व्हिडीओ इतका व्हायरल झाला आहे की, त्याची दखल उत्तरप्रदेशचे उपमुख्यमंत्री यांनी घेतली आहे. त्याचबरोबर चौकशीचे सुद्धा आदेश दिले आहेत.