फ्रेंच, इटालियन, जर्मन, अरबी, इराणी, रशियन, जपानी दहा वर्षांचा रस्त्यावरील मुलगा बोलतो अनेक भाषा, विदेशातील पर्यटक थक्क
Viral Video: मोरपंख विकणारा मसलन याला फ्रान्समधून आलेला पर्यटक मिळाला. त्यानंतर तो फ्रेच भाषेचा वापर करु लागला. व्हिडिओत तो फ्रेंचमध्ये बोलताना दिसत आहे. त्याला इंग्रजीसुद्धा येते. एका पर्यटकाने त्याचा व्हिडिओ तयार करुन व्हायरल केला.
![फ्रेंच, इटालियन, जर्मन, अरबी, इराणी, रशियन, जपानी दहा वर्षांचा रस्त्यावरील मुलगा बोलतो अनेक भाषा, विदेशातील पर्यटक थक्क फ्रेंच, इटालियन, जर्मन, अरबी, इराणी, रशियन, जपानी दहा वर्षांचा रस्त्यावरील मुलगा बोलतो अनेक भाषा, विदेशातील पर्यटक थक्क](https://images.tv9marathi.com/wp-content/uploads/2024/05/viral.jpg?w=1280)
सोशल मीडियावर अनेक व्हिडिओ व्हायरल होत असतात. या व्हिडिओच्या माध्यमातून नेटकऱ्यांना नवनवीन गोष्टींची माहिती होते. परंतु मुंबईतील एका दहा ते बारा वर्षांच्या मुलाचा व्हिडिओ वेगळ्याच कारणासाठी चर्चेत आला आहे. रस्त्यावर मोरपंख विक्री करणाऱ्या मुलाचा हा व्हिडिओ आहे. या व्हिडिओत ते परदेशी पर्यटकाशी संवाद साधत आहे. त्याची अस्खलीत फ्रेंच पाहून पर्यटक गार पडला. त्याचा हा व्हिडिओ चांगला व्हायरल झाला आहे.
शाळेत न जाता शिकला अनेक भाषा
मुंबईतील रस्त्यावर भटकणाऱ्या दहा ते बारा वर्षांचा मसलन नावाचा मुलगा व्हिडिओत दिसत आहे. उपजिवेकेसाठी तो मोरपंख विक्री करतो. यामुळे शिक्षणाचा गंध त्याला काहीच नसणार, हे स्पष्ट होते. कोणत्याही शाळेत न जातो तो सहा ते सात विदेशी भाषा बोलताना दिसत आहे. विदेशी पर्यटकास त्यांच्याच भाषेतून तो संवाद साधत आहे. इंग्रजी, फ्रेंच, इटालियन, जर्मन, अरबी, इराणी, रशियन, जपानी या भाषेत तो बोलत आहे.
![Image](https://images.tv9marathi.com/wp-content/uploads/2024/05/pm-narendra-modi-10.jpg)
![Image](https://images.tv9marathi.com/wp-content/uploads/2024/05/%E0%A4%AE%E0%A5%81%E0%A4%82%E0%A4%AC%E0%A4%881.jpg)
![Image](https://images.tv9marathi.com/wp-content/uploads/2024/05/%E0%A4%AE%E0%A5%81%E0%A4%82%E0%A4%AC%E0%A4%88.jpg)
![Image](https://images.tv9marathi.com/wp-content/uploads/2024/04/school.jpg)
The boy is a roadside vendor. He sells different items on the footpaths of MumbaiWithout any formal education or training,he is a successful linguist He can speak fluently in a number of foreign languages that he learns while trading with his International customers every day pic.twitter.com/c1Pfb69QLZ
— Shekar Iyer (@SHEKARSUSHEEL) February 24, 2024
मोरपंख विकणारा मुलाने पाडला प्रभाव
मोरपंख विकणारा मसलन याला फ्रान्समधून आलेला पर्यटक मिळाला. त्यानंतर तो फ्रेच भाषेचा वापर करु लागला. व्हिडिओत तो फ्रेंचमध्ये बोलताना दिसत आहे. त्याला इंग्रजीसुद्धा येते. एका पर्यटकाने त्याचा व्हिडिओ तयार करुन व्हायरल केला. त्याच्यातील ही प्रतिभा बघून पर्यटक थक्क झाल्याचे दिसत आहे. त्या व्हिडिओवर अनेकांनी कॉमेंट दिल्या आहेत. लाईक हजारो जणांनी केला आहे.
सोशल मीडियावर त्या मुलाच्या प्रतिभेची कौतूक केले जात आहे. इंग्रजी माध्यमात शिक्षण घेणारे मुले इतक्या सफाईदारपणे इंग्रजी बोलू शकत नाही, परंतु तो मुलगा ते बोलत असल्याचे अनेकांनी म्हटले आहे.