काय म्हणताय खरं की काय, इलॉन भाऊंनी आपले नावच बदलले
जगप्रसिद्ध इलॉन मस्क यांनी आपले नाव विविध ब्रँडच्या मागे लावले असले, तरी त्यांना स्वत: चे नाव बदलायची वेळ इतक्या लवकर येईल असे वाटले नव्हते. का बदलले मस्क यांनी आपले नाव वाचा.
मुंबई : टेस्ला ( TESLA ) या आघाडीच्या इलेक्ट्रीक वाहन कंपनी टेस्लाचे सर्वेसर्वा इलॉन मस्क ( ELON MUSK ) यांनी आपले नाव बदलले आहे. म्हणजे त्यांनी आपण जसे नावात बदल अशी पेपरात जाहिरात देऊन नाव बदल करतो तसे नाव बदलले नसून आपल्या ट्वीटर खात्यावर स्वत:चे नाव बदलले आहे, या त्यांच्या ट्वीटर अकाऊंटला प्रतिक्रीयांचा अक्षरश: पाऊस पडत आहे. का बदलले आहे, भाऊंनी आपले ते वाचून तुम्हाला गंमत वाटेल…
नवनवीन संकल्पना राबविणारे जगप्रसिद्ध उद्योजक इलॉन मस्क यांनी आपले नावच बदलले आहे. म्हणजे त्यांनी सरकारी कागदपत्रांद्वारे बदलतात तसे नाव न बदलता आपल्या नव्याने विकत घेतलेल्या ट्वीटर या मायक्रो सोशल साईटवर आपले नाव बदलेले आहे. ट्वीटर खात्यावर त्यांनी स्वत:चे नाव मिस्टर ट्वीट असे केले आहे. यामुळे त्यांच्या ट्वीटर खात्यावर त्यांना मजेशीर प्रतिक्रीया येत आहेत.
माझे नाव ‘मिस्टर ट्विट’ असे मी बदलले आहे, परंतू ट्विटर आता ते मला ते पुन्हा दुरूस्त करू देय नाहीय,” असे इलॉन मस्क यांनी ट्विट करीत म्हटले आहे. मस्कवर खटला चालवणाऱ्या शेअर होल्डर ग्रुपचे प्रतिनिधीत्व करणार्‍या वकीलाने त्यांचा उल्लेख “मिस्टर ट्वीट सोमवारी झालेल्या साक्षी दरम्यान केल्याने त्यांनी आज उपरोधिकपणे स्वत:चे असे नामकरण केले आहे. त्यावर ट्वीटरवर मजेशीर प्रतिक्रीया येत आहेत.