Gokul President Election : गोकुळ अध्यक्षपदाच्या निवडणुकीआधी सतेज पाटील यांच्या समविचारी आघाडीला मोठा धक्का, राज्य सरकारने तो निर्णय घेतलाच

गोकुळ अध्यक्षपदाच्या निवडणुकीआधी सतेज पाटील यांच्या राजर्षी शाहू शेतकरी समविचारी आघाडीला मोठा धक्का बसला आहे. गोकुळ बाबत राज्य सरकारने एक मोठा निर्णय घेतला आहे. गोकुळवर चार शासन नियुक्त संचालक नेमण्यात येणार आहेत. कॅबिनेट बैठकीत या निर्णयाला मंजुरी देण्यात आल्याची माहिती मंत्री गुलाबराव पाटील यांनी दिली. त्यामुळे गोकुळच्या अध्यक्षपदाचा तिढा सुटणार आहे. पण सतेज पाटील यांच्या राजर्षी शाहू शेतकरी समविचारी आघाडीला 13 जागा मिळूनही सत्तेपासून वंचित रहावं लागू शकतं. महायुतीच्या पॅनलला 12 जागा मिळाल्या आहेत.शासन नियुक्त संचालकांना मतदानाचा अधिकार मिळाला तर महायुतीच्या पॅनलचा संचालक निवडून येण्याचा मार्ग मोकळा होईल. अशावेळी सत्तेचा कौल असून सतेज पाटील यांची आघाडी सत्तेबाहेर राहू शकते.

प्रतिष्ठेच्या गोकुळ दूध महासंघाच्या निवडणुकीत सतेज पाटील यांच्या राजर्षी शाहू शेतकरी समविचारी आघाडीला 13 जागा मिळाल्या, तर महायुतीच्या पॅनलला 12 जागा मिळाल्या आहेत. दोघांमध्ये फक्त एका जागेचं अंतर आहे. आता दूध संघाच्या अध्यक्ष निवडीसाठी 14 जणांच्या उपस्थितीचा कोरम महत्वाचा मानला जातो. परंतु कोरम न झाल्याने गोकुळच्या अध्यक्षपदाची निवडणूक झालेली नाही. मुंबई उच्च न्यायालयाच्या आदेशानुसार येत्या 10 नोव्हेंबरला गोकुळच्या अध्यक्षपदाची निवडणूक होणार आहे.

(बातमी अपडेट होत आहे)