सुट्टीची मजा घ्यायला गेले, तब्बल 5 कोटींची लॉटरी जिंकून आले, एका सुट्टीने जोडप्याचं आयुष्य बदललं!
ऑस्ट्रेलियन जोडप्याला चक्क समुद्रकिनारी सुट्टी साजरी करतानाच अशी चांगली बातमी मिळाली. त्यांना तब्बल 5 कोटींची लॉटरी लागल्याचं समजलं.
उपरवाला देता है तो छप्पर फाड के देता है! अशी हिंदीत म्हण आहे. पण हीच म्हण एका ऑस्ट्रेलियन जोडप्याबाबत खरी ठरली आहे. या ऑस्ट्रेलियन जोडप्याला चक्क समुद्रकिनारी सुट्टी साजरी करतानाच अशी चांगली बातमी मिळाली. त्यांना तब्बल 5 कोटींची लॉटरी लागल्याचं समजलं. त्यामुळं त्यांची ही सुट्टी इतकी खास झाली, की ही सुट्टी ते त्यांच्या आयुष्यात कधीही विसरु शकणार नाहीत. ( The Australian couple who went on holiday celebrated a lottery of Rs 5 crore )
जॅकपॉट लॉटरी जिंकलेल्या जोडप्याने सांगितले की, ते काही दिवसांपूर्वीची सुट्टी कधीही विसरु शकत नाही. या सुट्टीवर असताना त्यांनी लॉटरीचे तिकीट विकतं घेतलं, ज्याला $ 700,000 पेक्षा जास्तचे जॅकपॉट बक्षीस मिळालं. मात्र, या जोडप्याने त्यांची ओळख उघड केली नाही. त्यांनी अधिकाऱ्यांना सांगितले की, ते केर्न्समध्ये सुट्टीवर होते, त्या दरम्यान त्याने बीच स्टोअरमध्ये गोल्ड लोट्टोसाठीच लॉटरीचं तिकीट खरेदी केलं.
त्यांच्या तिकीटावर 33-15-22-24-18-14 हा क्रमांक होता. जो ड्रॉच्या आकड्यांशी पूर्णपणे जुळला. यामुळे त्याचं नशीब एका रात्रीत बदललं. महिलेच्या पतीने अधिकाऱ्यांना सांगितलं की, “आम्ही काल रात्री द लॉट अॅपवर तिकीट तपासलं.” आम्हाला विश्वास बसत नव्हता, “तो म्हणाला. आम्हाला वाटले की ही एक प्रकारची चूक असावी. आमच्या बाबतीत असे कधीच घडले नाही, म्हणून हे सगळं स्वप्नासारखे वाटले.
या जोडप्याने सांगितले की, ते लॉटरी जिंकले असले तरी हवेत जाणार नाही आणि जबाबदारीने वागण्याचा प्रयत्न करतील. त्याचवेळी, लॉटरी जिंकलेल्या व्यक्तीची पत्नी म्हणाली, “आम्हाला माहित नाही की आम्ही एवढ्या पैशांचे काय करू, म्हणून आम्हाला प्रथम एका आर्थिक सल्लागाराकडे जायचं आहे. आम्ही हे सुनिश्चित करू इच्छितो की, आम्ही या पैशाचा सुज्ञपणे वापर करू. ” आता ही कहाणी ऐकल्यानंतर तुम्हीही म्हणाल, नशीब असावं तर असं!