Passengers : हा तर विसरभोळेपणाचा कहर! बायकोचा पडला विसर, टीव्ही, कमोडची उशीरा आली आठवण

नवी दिल्ली : विसरभोळेपणावर (Forgetfulness) कोणतेच औषध नाही. पुरुषांच्या विसरभोळेपणाचे किस्से तर तुम्ही ऐकलेच असेल. शॉपिंग मॉलमध्ये, सराफा बाजारात ते अनेकदा बायकोलाच विसरुन थेट घरी येतात. अथवा कुठल्या तरी कामासाठी परस्पर निघून जातात, हे अनेकदा आपण ऐकले असेलच. पण देशातील या चार मेट्रो शहरातील (Metro Cities) प्रवाशी काय काय विसरले याची एक भली मोठी लांबलचक यादी उबेर (Uber) या कंपनीने समोर आणली आहे. टीव्ही, कमोड, मोबाईल आणि इतर इतक्या किंमती वस्तू लोक विसरले की विचारता सोय नाही. कोणी बायको टॅक्सीत विसरले की नाही, या मिश्किल प्रश्नाचे उत्तर कंपनीने दिले नसले तरी, प्रवाशी काय काय विसरले हे मात्र कंपनीने समोर आणले आहे.

Lost And Found List
तर उबेरने हरवलं-सापडलं, अशी एक यादी तयार केली. तिचा अहवाल सादर केला. यामध्ये प्रवाशी टॅक्सी, कॅबमध्ये कोणत्या वस्तू विसरेल. कोणत्या दिवशी सर्वाधिक वस्तू विसरल्या जातात. त्याची वेळ अशा तपशीलाचा एक छान अहवालच तयार केला आहे. त्यामुळे भारतीय प्रवाशांच्या विसरभोळेपणाचा एक ताजा अहवालाच समोर आला आहे. काय आहे या अहवालात…

शनिवार हा घात वार

1. शनिवारी प्रवाशी सर्वाधिक वस्तू विसरत असल्याचे अहवाल सांगतो. त्यानंतर रविवार आणि शुक्रवारचा क्रमांक लागतो
2. आयफोनपेक्षा ॲंड्रॉईड मोबाईल विसरण्याचे प्रमाण तिप्पट असल्याचे दिसून आले
3. लाल रंगाच्या वस्तू सर्वाधिक विसरल्या गेल्याचे हा अहवाल सांगतो
4. संध्याकाळी जवळपास 7 वाजेच्या आसपास सर्वाधिक वस्तू विसरल्याचे अहवालात नमूद आहे

या 10 वस्तू प्रवाशी विसरले

1. टीव्ही
2. वेस्टर्न कमोड
3. तीन पॅकेट दूध आणि पडदे
4. केरसुणी
5. महाविद्यालयाचे प्रवेशपत्र
6. काठी
7. इंडक्शन स्टोव्ह
8. फॅमिली कोलाज
9. हेवी मशीनरी
10. प्रिंटेड ‘दुपट्टा (स्कार्फ)

10 सर्वात जास्त विसरणाऱ्या वस्तू

1. मोबाईल
2. लॅपटॉप बॅग
3. वॉलेट
4. कपडे
5. हेडफोन
6. पिण्याच्या पाण्याची बाटली
7. चष्मा, सनग्लास
8. किल्ली
9. दागिने
10. घड्याळ

5 रंगांच्या वस्तू विसरल्या

1. 1. लाल
2. 2. निळा
3. 3. पिवळा
4. 4. रोझ
5. 5. गुलाबी

असे मिळविता येते सामान

1. उबेरच्या ॲपमध्ये जा
2. मेन्यू आयकॉनवर टॅप करा
3. युअर ट्रिपवर क्लिक करा, ट्रिप सलेक्ट करा
4. रिपोर्ट एन इश्यू विथ धिस ट्रिप, यावर टॅप करा
5. आय लॉस्ट ॲंन आयटम हा पर्याय निवडा
6. कॉन्टॅक्ट माय ड्रायव्हर अबाऊट अ लॉस्ट आयटम वर क्लिक करा
7. नंतर तुमचा तपशील द्या
8. पडताळणीनंतर तुमची वस्तू परत करण्यात येईल