VIDEO | चंद्रकांत पाटील यांच्यावर शाईफेक करणाऱ्या तरुणाने स्वत:च्या लग्नात वाजवली हलगी, व्हायरल व्हिडीओ पाहून लोकांनी…

मुंबई : चंद्रकांत पाटील (Chandrakant Patil) यांच्या शाईफेक करणारा समता सैनिक दलाचा सैनिक मनोज गरबडे (Manoj garbade) काल विवाह बंधनात अडकला. काल मनोज गरबडे यांचा विवाह सोहळा लातूरमध्ये (Latur) मान्यवरांच्या उपस्थित पार पडला. राज्यभरातील समता सैनिक दलाचे सैनिक लग्नाला उपस्थित होते. लग्नातील कालचे फोटो सुध्दा अधिक व्हायरल झाले झाले आहेत. त्याचबरोबर लग्नात मनोज गरबडे यांनी हलगी वाजवल्याचा व्हिडीओ सगळीकडे व्हायरल झाला आहे.

बाबासाहेब आंबेडकर, महात्मा फुले आणि कर्मवीर भाऊराव पाटील यांच्याबद्दल चंद्रकांत पाटील यांनी वादग्रस्त विधान केलं होतं. त्यानंतर समता सैनिक दलाचा सैनिक मनोज गरबडे यांनी चंद्रकांत पाटील यांच्यावर शाईफेक केली. त्यानंतर हा तरुण अधिक चर्चेत आला होता.

काल लग्नाच्या वरातीत मनोज गरबडे यांनी वाजवलेली हलगी अनेक तरुणांनी मोबाईलमध्ये कैद केली आहे. सोशल मीडियावर अनेकांनी तो व्हिडीओ व्हायरल केला आहे. अनेकांनी मनोज गरबडे यांना कमेंटच्या माध्यमातून शुभेच्छा दिल्या आहेत. तर काहींना हलगी चांगली वाजवली असल्याचं सांगितलं आहे.