VIDEO : पिकनिकची मजा घ्या पण जरा जपून, हा व्हिडिओ पाहून तुमच्याही काळजात धस्स होईल
हा व्हिडिओ सोशल मीडिया प्लॅटफॉर्म इन्स्टाग्रामवर शेअर करण्यात आला आहे. या व्हिडिओला आतापर्यंत 4.4 मिलियनहून अधिक वेळा पाहिला गेला आहे.
वेगवेगळ्या पर्यटन स्थळी भेट देणे आणि फोटो, व्हिडिओ काढणे प्रत्येकालाच आवडते. आजकाल अशा ठिकाणी वेगवेगळ्या रिल्स काढत सोशल मीडियावर शेअर करण्याचा जणू ट्रेंडच सुरु आहे. रिल्स व्हिडिओ बनवणे (Making Reels Video) आणि सोशल मीडियात प्रसिद्धी मिळवण्याच्या नादात अनेक लोक धोकादायक कृती (Dangerous Things) करतात. असाच एक व्हिडिओ सध्या सोशल मीडियावर व्हायरल (Video Viral on Social Media) झाला आहे. हा व्हिडिओ पाहून तुमच्या काळजात धस्स झाल्याशिवाय राहणार नाही.
काय आहे व्हिडिओमध्ये?
या व्हिडिओमध्ये एक तरुण कुठल्या तरी माऊंटेन परिसरात पिकनिकला गेला आहे. डोंगरातून वाहणाऱ्या झऱ्यामध्ये पोहण्याचा मोह तरुणाला आवरता आला नाही. झऱ्याच्या पाण्यात अंघोळ करताना त्याने कुटुंबातील कुणाला तरी व्हिडिओ बनवायला सांगितला. व्हिडिओ शूट करत असताना जे दिसले ते पाहून तुमच्याही अंगावर काटा येईल.
नदी, ओढे, झरे यामध्ये अनेक जलचर सजीव असतात. यापैकी काही प्राणी आपल्यासाठी धोकादायक ठरतात. व्हिडिओतील तरुणासोबतही काही असे झाले. तरुण झऱ्याच्या पाण्यात झोपून व्हिडिओ काढत आहे. इतक्यात तरुणाच्या मागे एक सफेद रंगाचा साप येताना दिसत आहे.
सापाचे नाव ऐकताच तरुणाची भांबेरी
सापाला पाहिल्यानंतर व्हिडिओ शूट करणारी तरुणाची मैत्रिण तरुणाला त्याच्या मागे साप असल्याचे ओरडून सांगत आहे. सापाचे नाव ऐकताच तरुणाची चांगलीच धांदल उडाली आणि तो धावत पाण्याच्या बाहेर आला.
सोशल मीडियावर व्हिडिओ अधिक व्हायरल
हा व्हिडिओ सोशल मीडिया प्लॅटफॉर्म इन्स्टाग्रामवर शेअर करण्यात आला आहे. या व्हिडिओला आतापर्यंत 4.4 मिलियनहून अधिक वेळा पाहिला गेला आहे. लाखो लोकांनी या व्हिडिओला लाईकही केले आहे. तसेच या व्हिडिओवर विविध कमेंट्स येत आहेत.
