Best investment options : 15-15-15 सुत्राचे पालन करा; काही वर्षांमध्ये कोटीचा परतावा मिळवा

केवळ 15 वर्षाचा मुलगा कमवतोय लाखों रूपये

Image Credit source: Tv9

तुम्ही जर नुकताच जॉब (Job) जॉईन केला असेल आणि पैसा गुंतवणुकीसाठी (investment) चांगल्या पर्यायाचा शोध घेत असाल तर तुमच्यासाठी म्युच्युअल फंडचा (Mutual funds) ऑपशन बेस्ट ठरू शकतो. तुम्ही म्युच्युअल फंडच्या मदतीने अप्रत्यक्षपणे शेअर मार्केटमध्ये पैसे गुंतवू शकता. मात्र मुच्युअल फंडमधून तुम्हाला जर चांगला परतावा हवा असल्यास तुम्हाला 15-15-15 या सुत्राचे पालन करावेच लागेल. तुम्ही जर या सुत्राचे पालन केले तर एका ठराविक वेळेनंतर तुम्ही निश्चितच करोडपती बनाल. मात्र त्यासाठी तुम्हाला तुमच्या गुंतवणुकीमध्ये शिस्त आणावी लागेल. ऑप्टिमा मनी मॅनेजर्सचे संस्थापक आणि सीईओ पंकज मठपाल याबाबत बोलताना म्हणतात की, जर एखाद्या व्यक्तीने शिस्तबद्ध पद्धतीने म्युच्युअल फंडमध्ये दीर्घकालावधीसाठी गुंतवणूक केली तर त्या कालावधीनंतर त्याला तगडा परतावा मिळतो. 15-15-15 या सुत्राबाबत बोलताना ते म्हणतात की, जर समजा तुम्ही 15 वर्षांसाठी दर महिन्याला पंधरा हजार म्युच्युअल फंडमध्ये गुंतवले आणि जर त्या गुंतवणुकीवर तुम्हाला वार्षिक आधारावर 15 टक्के परतावा मिळाला तर ही रक्कम कोटीच्या घरात जाते, याचाच अर्थ तुम्ही पंधरा वर्षात करोडपती बनू शकतात.

किती गुंतवणूक कराल?

याबाबत बोलताना मठपाल यांनी सांगितले की, जर समजा एखादी व्यक्ती 15 वर्षांसाठी दर महिन्याला 15 हजारांची गुंतवणूक म्युच्युअल फंडमध्ये करते. तर तिची एकूण 27 लाखांची बचत होते. 27 लाखांवर 15 वर्ष जर 15 टक्क्यांनी व्याज मिळाले तर या व्याजाची रक्कम 74,52,946 रुपये एवढी होती. ही रक्कम अधिक गुंतवणुकीचे 27 लाख मिळून हा आकडा 1.01 कोटी रुपयांवर जाते. याचाच अर्थ जर तुम्ही 15-15-15 सूत्र आमलात आणले तर तुम्ही करोडपती बनू शकता.

दीर्घ मुदतीसाठी गुंतवणूक करताना काय काळजी घ्याल?

तुम्ही जर एखाद्या योजनेमध्ये दीर्घ मुदतीसाठी पैसे गुंतवणार असाल तर अशी गुंतवणूक काळजीपूर्वक करा. गुंतवणुकीपूर्वी आपण त्या योजनेमध्ये तेवढा काळ नियमितपणे पैसे भरू शकतो का याचा विचार कारा. कारण अशा अनेक योजना असतात ज्या योजनेतून तुम्हाला पैसे मध्येच काढता येत नाहीत. तसेच हप्ता चुकल्यास तु्म्हाला परतावा सोडा मुळ रक्कम मिळणे देखील कठीण होऊन बसते. दुसरी गोष्टी तुमच्या गरजा लक्षात घेऊन आणि व्याजदर चेक करूनच अशी गुंतवणूक करावी.

संबंधित बातम्या

inflation effect : इंधन दरवाढीचा परिणाम, पेट्रोल, डिझेलच्या मागणीत घट

jet fuel prices hike: विमान इंधनाच्या दरात वाढ; प्रवास महागण्याची शक्यता

Sri Lanka financial crisis : श्रीलंकेचा पाय आणखी खोलात; शेअर बाजार बंद ठेवण्याचा निर्णय