PF खातेदारांसाठी खुशखबर! ईपीएफओचे ‘E-PRAAPTI’ पोर्टल लवकरच; जुन्या खात्यांतील पैसे काढणे होणार सोपे
कर्मचारी भविष्य निर्वाह निधी संघटना (EPFO) लवकरच 'E-PRAAPTI' नावाचे एक नवीन पोर्टल सुरू करणार आहे. हे पोर्टल विशेषतः अशा नोकरदारांसाठी आहे ज्यांचे जुने PF खाते बंद झाले आहे किंवा ज्यांना त्यांचे जुने PF पैसे काढण्यात अडचणी येत आहेत.
अनेकदा नोकरी बदलल्यामुळे जुने PF खाते ट्रॅक करणे कठीण होते, मात्र आता EPFO चे ‘E-PRAAPTI’ पोर्टल यावर उपाय शोधणार आहे. या पोर्टलच्या माध्यमातून युजर्स त्यांचे जुने आणि निष्क्रिय झालेले PF खाते पुन्हा सक्रिय करू शकतील. पारदर्शकता वाढवण्यासाठी आणि PF सेटलमेंटची प्रक्रिया जलद करण्यासाठी हे पोर्टल एक महत्त्वाचे पाऊल मानले जात आहे.
कर्मचारी भविष्य निर्वाह निधी संघटना (EPFO) लवकरच एक विशेष पोर्टल सुरू करणार आहे, जे आपल्याला आपले जुने पीएफ खाते शोधण्यात आणि पुन्हा सक्रिय करण्यात मदत करेल. अनेकदा लोक आपल्या करिअरमध्ये अनेक वेळा नोकरी बदलतात आणि काही प्रॉव्हिडंट फंड म्हणजेच PF चे पैसे जुन्या किंवा निष्क्रिय खात्यांमध्ये पडून राहतात, जे बऱ्याच वेळा लोक विसरतात किंवा त्यांना हे पैसे काढणे कठीण वाटते. आता अशा लाखो कर्मचाऱ्यांसाठी ई-प्राप्ति नावाचे नवे पोर्टल सुरु होणार आहे. जाणून घेऊया सविस्तर
जुन्या PF खात्यांसाठी नवीन पोर्टल
केंद्रीय कामगार मंत्री मनसुख मांडवीय यांनी अलीकडेच ई-प्राप्ति नावाच्या नवीन पोर्टलची घोषणा केली आहे. विशेषकरून ज्यांचे PF खाते जुने, निष्क्रिय किंवा दावा न केलेले आहेत त्यांच्यासाठी हे पोर्टल तयार केले जात आहे. नोकरी बदलणे, कंपनी बंद करणे किंवा UAN लिंक नसणे यासारख्या कारणांमुळे बऱ्याच वेळा PF चे पैसे अडकतात. या नवीन प्रणालीच्या माध्यमातून कर्मचारी आता अशा खात्यांचा सहज मागोवा घेऊ शकतील आणि त्यात प्रवेश करू शकतील
ई-प्राप्ति पोर्टल कसे काम करेल?
निष्क्रिय खात्यांचा माग काढण्यासाठी ई-प्राप्ति म्हणजेच कर्मचारी भविष्य निर्वाह निधी आधार- बेस्ड ऍक्सेस पोर्टल हे एक व्यासपीठ असेल ज्यामुळे PF खात्यांमध्ये सुलभता येईल. याच्या मदतीने कर्मचारी जास्त कागदपत्रांशिवाय त्यांचे जुने PF खाते शोधू शकतील. विशेष म्हणजे यात आधार-बेस्ड पडताळणीचा वापर केला जाईल, ज्यामुळे प्रक्रिया आणखी सोपी होईल.
सुरुवातीला, हे पोर्टल सदस्य आयडीद्वारे कार्य करेल जेणेकरून ही प्रणाली सुरक्षित पद्धतीने लागू केली जाऊ शकेल. यापुढे जाऊन ज्यांना त्यांच्या जुन्या पीएफ खात्याची माहिती आठवत नाही त्यांनाही हे मदत करू शकते.
हा उपक्रम केवळ नवीन पोर्टल सुरू करण्यापुरता मर्यादित नाही, तर तो पीएफ प्रणालीच्या मोठ्या डिजिटल परिवर्तनाचा एक भाग आहे. अलीकडील आकडेवारीवरून असे दिसून आले आहे की PF चे दावे आता पूर्वीच्या तुलनेत खूप वेगाने निकाली काढले जात आहेत. बहुतेक आगाऊ दाव्यांवर काही दिवसांतच प्रक्रिया केली जात आहे आणि मोठ्या संख्येने दावे स्वयंचलितपणे निकाली काढले जात आहेत.
पूर्वी PF शी संबंधित प्रक्रियेत सर्वात मोठी अडचण म्हणजे कागदोपत्री काम आणि कंपनी किंवा मनुष्यबळावर अवलंबित्व आणि आता हे काम वेगाने बदलत आहे. लोक धनादेश अपलोड न करता, बँक खाती लिंक न करता दावे करू शकतात आणि स्वत: च्या प्रोफाइलमध्ये बदल देखील करू शकतात. यामुळे कर्मचाऱ्यांना त्यांच्या पैशावर अधिक नियंत्रण मिळत आहे.
