EPFO खातेधारकांसाठी आनंदाची बातमी; तुमच्या कमाईत होणार वाढ, जाणून घ्या सर्वकाही

पीएफ

नवी दिल्ली: कर्मचारी भविष्य निर्वाह निधी संघटना (EPFO) च्या केंद्रीय विश्वस्त मंडळाची (CBT) 20 नोव्हेंबर रोजी बैठक होणार आहे. यामध्ये अनेक महत्त्वाचे निर्णय घेतले जाऊ शकतात. याशिवाय, उपलब्ध गुंतवणुकीच्या पर्यायांवर चर्चा केली जाईल, ज्याचा उद्देश इक्विटी मार्केटला फायदा मिळवून देण्याच्या उद्देशाने आहे. या प्रकरणाशी संबंधित तज्ञांचे म्हणणे आहे की EPFO ​​आपल्या ग्राहकांना जास्तीत जास्त लाभ देण्यासाठी अनेक योजनांवर विचार करत आहे.

सिक्युरिटीज अँड एक्स्चेंज बोर्ड ऑफ इंडिया (SEBI) द्वारे नियंत्रित श्रेणी I आणि श्रेणी II पर्यायी गुंतवणूक निधी (AIFs) द्वारे जारी केलेल्या युनिट्समधील गुंतवणुकीला मार्ग देण्यासाठी मालमत्ता-बॅक्ड, ट्रस्ट-स्ट्रक्चर्ड आणि वैविध्यपूर्ण गुंतवणूक श्रेणी यावर्षी एप्रिलमध्ये सादर करण्यात आली.

कोणत्या पर्यायांचा विचार?

या पर्यायांतर्गत आधीच स्वीकार्य असलेल्या श्रेणींमध्ये व्यावसायिक गहाण-आधारित सिक्युरिटीज किंवा निवासी गहाण-आधारित सिक्युरिटीज, रिअल इस्टेट इन्व्हेस्टमेंट ट्रस्ट (REITs), मालमत्ता-बॅक्ड सिक्युरिटीज, आणि इन्फ्रास्ट्रक्चर इन्व्हेस्टमेंट ट्रस्ट (InvITs) बाजार नियामकाद्वारे नियमन केलेल्या युनिट्सचा समावेश आहे.

पीएफ खात्यावर किती व्याज

ग्राहकांना चांगला परतावा मिळावा यासाठी हे आवश्यक आहे, असे एका वरिष्ठ सरकारी अधिकाऱ्याने सांगितले. जेव्हा गुंतवणुकीसाठी नवीन साधनांमध्ये गुंतवणूक केली जाईल तेव्हाच जास्त परतावा मिळू शकेल. गेल्या दोन आर्थिक वर्षांपासून, EPFO ​​आपल्या ग्राहकांना कर्मचारी भविष्य निर्वाह निधी (EPF) मध्ये जमा केलेल्या रकमेवर 8.5 टक्के व्याज देत आहे. हे अनेक लहान बचत योजनांपेक्षा जास्त आहे.

पीएफ शिल्लक कसे तपासावे? (How to check my PF Balance?)

1. SMS मार्फत- जर तुमचा यूएएन क्रमांक ईपीएफओमध्ये नोंदला असेल तर तुमची पीएफ शिल्लक माहिती मेसेजद्वारे प्राप्त होईल. यासाठी तुम्हाला 7738299899 वर EPFOHO पाठवावे लागेल. तुमची पीएफ माहिती मेसेजद्वारे मिळणार आहे. तुम्हाला हिंदी भाषेत माहिती हवी असेल तर ईपीएफओ यूएएन लिहून पाठवावी लागेल. पीएफ शिल्लक जाणून घेण्यासाठी ही सेवा इंग्रजी, पंजाबी, मराठी, हिंदी, कन्नड, तेलगू, तमीळ, मल्याळम आणि बंगाली भाषेत उपलब्ध आहे. पीएफ शिल्लक असल्यास आपले यूएएन, बँक खाते, पॅन (PAN) आणि आधार (AADHAR) आवश्यक आहे, तसेच ते दोन्ही जोडलेले असणे आवश्यक आहे.

2. मिस्ड कॉलद्वारे शिल्लक जाणून घ्या- तुम्हाला तुमच्या नोंदणीकृत मोबाईल नंबरवरून 011-22901406 वर एक मिस कॉल द्यावा लागेल. यानंतर PF चा तपशील ईपीएफओच्या मेसेजद्वारे उपलब्ध होईल. येथे आपले यूएएन, पॅन आणि आधार लिंक करणे देखील आवश्यक आहे.

संबंधित बातम्या:

‘हा’ व्यवसाय सुरु केल्यास दिवसाला कमवाल पाच हजार रुपये, जाणून घ्या सर्वकाही

महाराष्ट्रातील ‘या’ बँकेवर RBI ची मोठी कारवाई; ग्राहकांना बँकेतून फक्त 5000 रुपयेच काढता येणार

जास्त जनधन बँक खाती असलेल्या राज्यांतील गुन्ह्यांच्या प्रमाणात घट: एसबीआय