VIDEO : 4 मिनिटे 24 हेडलाईन्स | 4 Minutes 24 Headlines | 11 AM | 21 October 2021

पुणे वाहतूक पोलिसांचा अजब कारभार पाहायला मिळाला. रस्त्याच्या कडेला पाणी पिण्यासाठी थांबलेल्या महिलेच्या स्कूटरवर कारवाई करण्यात येत होती. मात्र व्हिडीओ शूट करत असल्याचं पाहून पोलिसाने काढता पाय घेतला. पुण्यात संबंधित महिला दुचाकीस्वार पाणी पिण्यासाठी रस्त्याच्या कडेला थांबली होती. ती आपल्या स्कूटरवर बसलेली असतानाच तिच्यावर कारवाई करण्यात येत होती. एका पत्रकाराने या प्रकाराचा व्हिडीओ काढण्याचा प्रयत्न केला असताना वाहतूक पोलीस कर्मचाऱ्याने अरेरावीची भाषा केली. अखेर व्हिडीओ काढत असल्याचे पाहून कारवाई न करता ट्रॅफिक पोलीस निघून गेले.