तुटलेल्या खिडक्यांवर उपमुख्यमंत्र्यांचे बॅनर अन्… अभिजीत दीपके आता अगामी मोर्च्यावर

अभिजीत दिपके यांनी हिंगोली जिल्ह्यातील संतुक पिंपरी या त्यांच्या मूळ गावी स्कूल ठीक करो अभियानाचा प्रारंभ केला आहे. या अभियानाद्वारे त्यांनी ग्रामीण भागातील शाळांच्या दयनीय अवस्थेकडे लक्ष वेधले आहे. दिपकेंनी प्रत्यक्ष शाळेची पाहणी केली असता, तुटलेल्या खिडक्यांवर उपमुख्यमंत्र्यांचे बॅनर लावून दुरवस्था झाकण्याचा प्रयत्न केल्याचे समोर आले.

दिपकेंनी शाळेतील तुटलेल्या काचा, जीर्ण झालेल्या भिंती आणि अपुऱ्या बेंचसह अनेक समस्या दाखवल्या. ही केवळ एका शाळेची नव्हे, तर देशातील अनेक ग्रामीण शाळांची अवस्था असल्याचे त्यांनी म्हटले. शाळेच्या या दुरवस्थेसाठी सरकार जबाबदार असून, बॅनर लावण्याऐवजी प्रत्यक्ष दुरुस्ती करण्याची मागणी त्यांनी केली. स्कूल ठीक करो अभियानांतर्गत अभिजीत दिपके स्वतः या सर्व बाबींची पाहणी करत असून, ग्रामीण शिक्षणाच्या मूलभूत समस्यांवर प्रकाश टाकण्याचा त्यांचा प्रयत्न आहे.