पुणे विद्यापीठात अभाविपचे थाळीनाद आंदोलन

अभाविपने पुणे विद्यापीठ प्रशासनाविरोधात, विशेषतः परीक्षा विभागाच्या कारभाराविरोधात, आक्रमक पवित्रा घेतला आहे. 14 सप्टेंबर रोजी विद्यापीठाने जारी केलेल्या परिपत्रकानुसार 20% शुल्कवाढ करण्याचा निर्णय विद्यार्थ्यांसाठी जाचक असल्याचे अभाविपचे म्हणणे आहे. या अन्यायकारक शुल्कवाढीविरोधात विद्यार्थी परिषदेने गेल्या एका महिन्यापासून विद्यापीठ प्रशासनासोबत आणि परीक्षा संचालकांसोबत चर्चा केली आहे. ही सरसकट शुल्कवाढ रद्द करण्याची मागणी अभाविपने लावून धरली आहे.

अभाविपने आरोप केला आहे की विद्यापीठ प्रशासन विद्यार्थ्यांच्या मागण्यांकडे दुर्लक्ष करत आहे आणि झोपेचे सोंग घेत आहे. आंदोलकांनी दीड तासापासून विद्यापीठासमोर थाळीनाद आंदोलन सुरू केले आहे. आंदोलनादरम्यान कोणताही अधिकारी चर्चा करण्यास पुढे न आल्याने विद्यार्थ्यांमधील संताप वाढला आहे. अभाविपने स्पष्ट केले आहे की, जोपर्यंत विद्यापीठ प्रशासन लेखी स्वरूपात शुल्कवाढ रद्द करण्याचे आश्वासन देत नाही, तोपर्यंत हे आंदोलन सुरूच राहील.