बिबट्याने डोळ्यासमोरून 4 वर्षांच्या चिमूकल्याला उचलून नेलं!

अहिल्यानगर, संगमनेर: संगमनेर तालुक्यातील अहिल्यानगर येथे बिबट्याच्या हल्ल्यात चार वर्षांच्या सिद्धेश नामक बालकाचा मृत्यू झाल्याची हृदयद्रावक घटना घडली आहे. घराबाहेर खेळत असताना बिबट्याने अचानक सिद्धेशवर हल्ला केला.

या घटनेची माहिती देताना, सिद्धेशच्या आजीने डोळ्यासमोर घडलेला थरारक प्रसंग सांगितला. आजीने बिबट्याशी झुंज देत नातवाला वाचवण्याचा प्रयत्न केला. तिने त्याला उचलून आणले, मात्र बिबट्याने हल्ला इतका गंभीर केला होता की, सिद्धेशने जागेवरच जीव सोडला. कुटुंबीय आणि परिसरातील नागरिक धावून आले, पण त्याला वाचवता आले नाही. सिद्धेशच्या आईने त्याला लहानपणीच सोडले होते, तेव्हापासून आजीनेच त्याला आईचे प्रेम देत सांभाळले होते. या घटनेमुळे कुटुंब पूर्णपणे हादरले असून, आजीला अश्रू अनावर झाले आहेत. परिसरात बिबट्याच्या भीतीमुळे नागरिक चिंतेत आहेत.