छगन भुजबळ म्हणाले ते योग्यच, मविआच्या जागावाटपावर अजित पवार म्हणात, “मविआचा उमेदवार…”

पुणे : पुणे लोकसभा पोटनिवडणुकीवरून काँग्रेस-राष्ट्रवादी काँग्रेसमध्ये कलगीतुरा रंगत आहे. काँग्रेस आणि राष्ट्रवादी काँग्रेसमध्ये दावे-प्रतिदावे सुरु आहेत. पुणे लाकसभेवर विरोधीपक्ष नेते अजित पवार यांनी अप्रत्यक्षपणे दावा केला होता. यानंतर काँग्रेसचे प्रदेशाध्यक्ष नाना पटोले यांनी पुण्याची जागा काँग्रेस सोडणार नसल्याचे म्हटले आहे. दरम्यान येणाऱ्या आमदारकी-खासदारकीच्या निवडणुकीसाठी मेरीटनुसार मविआचा उमेदवार निवडणून यावा असा विचार असल्याचं अजित पवार म्हणाले. तसेच माध्यमांसमोर जागांबाबत चर्चा नको, हे छगन भुजबळांचं वक्तव्य योग्य असल्याचेही अजित पवार यांनी म्हटलं आहे.