Ambadas Danve : धमक अन् ताकद नाही… दानवे यांनी थोपटले दंड, संजय शिरसाट यांना खुलं आव्हान, वाद वाढणार?

ठाकरे गटाचे नेते अंबादास दानवे यांनी नुकत्याच दिलेल्या मुलाखतीत विविध राजकीय घडामोडींवर भाष्य केले. अंबादास दानवे यांनी एकनाथ शिंदे यांच्या शिवसेनेचे नेते संजय शिरसाट यांना संभाजीनगरमधील सांस्कृतिक मैदान भरवण्याचे खुले आव्हान दिले. शिवसेनेने (उद्धव बाळासाहेब ठाकरे) सांस्कृतिक मंडळाचे मैदान ६ दिवसांसाठी आरक्षित केले असून, गरज पडल्यास शिरसाट गटाला एक तारीख देण्याची तयारी दर्शवली. या मुलाखतीत, दानवे यांनी राजू वैद्य यांच्या भाजप प्रवेशावर आश्चर्य व्यक्त करत पक्षाने त्यांना अनेक जबाबदाऱ्या दिल्या होत्या असे सांगितले. त्यांनी भाजपवर इतर पक्षांतील कार्यकर्त्यांना प्रलोभने दाखवून फोडण्याचा प्रयत्न करत असल्याचा आरोप केला. दानवे यांनी शिवसेना (उद्धव बाळासाहेब ठाकरे) आणि महाराष्ट्र नवनिर्माण सेना यांच्यात युती निश्चित झाल्याचेही स्पष्ट केले. संजय राऊत यांच्या ट्वीटनुसार, ही घोषणा लवकरच होण्याची शक्यता आहे