Trumps H-1B Visa Impact : पत्ते पे पत्ता… अमेरिकेविरूद्ध चीनचं व्हिसा कार्ड! ट्रम्पच्या H1-B ला चीनचं K-व्हिसानं प्रत्युत्तर

अमेरिकेचे राष्ट्राध्यक्ष डोनाल्ड ट्रम्प यांनी एच-१ बी व्हिजाच्या नियमांमध्ये केलेल्या बदलांमुळे भारतातील तंत्रज्ञांना मोठा धक्का बसला आहे. या व्हिजाचे शुल्क वाढवून ट्रम्प प्रशासनाने अनेक भारतीय तंत्रज्ञांना अमेरिकेत राहण्यास आणि काम करण्यास अडचणी निर्माण केल्या. यावर प्रत्युत्तर म्हणून चीनने जगभरातील तंत्रज्ञांसाठी एक नवीन व्हिजा पद्धत सुरू केली आहे. अमेरिकेत एच-१ बी व्हिजा असलेल्या एक लाख लोकांपैकी ७०,००० भारतीय असताना चीनचे नागरिक फक्त ११ ते १५,००० आहेत. यामुळे ट्रम्प यांच्या धोरणाचा सर्वाधिक फटका भारताला बसण्याची शक्यता आहे. चीन हे आता जागतिक उत्पादन केंद्र बनत असताना त्यांच्या या व्हिजा धोरणातून कुशल कामगारांना आकर्षित करण्याचा प्रयत्न स्पष्ट दिसून येतो.