Bachchu Kadu : शेतकऱ्यांची एकजूट, नागपुरात विराट मोर्चा; कर्जमाफीसह विविध मागण्यांसाठी बच्चू कडूंचा एल्गार

शेतकरी कर्जमाफी आणि शेतमालाला योग्य हमीभाव मिळावा, यासह अनेक मागण्यांसाठी बच्चू कडू यांच्या नेतृत्वाखाली निघालेला विराट ट्रॅक्टर मोर्चा नागपूरमध्ये पोहोचला आहे. वर्ध्याच्या बुटीबोरी येथून निघालेल्या या मोर्चात शेकडो ट्रॅक्टर आणि हजारो बैलगाड्यांचा सहभाग होता, ज्यामुळे नागपूर-हैदराबाद महामार्ग काही काळ जाम झाला.

या मोर्चाद्वारे शक्तीपीठ महामार्ग रद्द करणे, दिव्यांगांना सहा हजार रुपये मानधन देणे आणि मेंढपाळ व मच्छीमारांना न्याय मिळवून देणे अशा विविध मागण्या करण्यात आल्या आहेत. सरकारने शेतकऱ्यांच्या मागणीपत्रातील सकारात्मक मुद्द्यांवर तातडीने निर्णय घेण्याचे आश्वासन दिले आहे. मात्र, जर १२ वाजेपर्यंत योग्य तोडगा न निघाल्यास, फडणवीसांचे सरकारी निवासस्थान असलेल्या रामगिरी बंगल्यावर धडकण्याचा आणि रस्ते पूर्णपणे बंद करण्याचा इशारा बच्चू कडू यांनी दिला आहे. राज्यातल्या विविध शेतकरी संघटनांनी या मोर्चाला पाठिंबा दर्शवला आहे.