शासकीय खुर्चीवर महिला उपध्यक्षांच्या जागेवर पती बसला अन्… चक्क धनंजय मुंडेंसमोर हे काय घडलं?

बीड पुन्हा एकदा चर्चेत आलं आहे. शासकीय बैठकीला महिला उपनगराध्यक्षांच्या ऐवजी त्यांच्या पतीने उपस्थिती लावल्याचा प्रकार समोर आला आहे. या प्रकरणामुळे उपनगराध्यक्ष खान यांचे पद धोक्यात येण्याची शक्यता व्यक्त केली जात आहे. सामाजिक कार्यकर्ते देवराव लुगडे यांनी यासंदर्भात जिल्हाधिकाऱ्यांकडे तक्रार दाखल केली आहे.

मिळालेल्या माहितीनुसार, बीडमधील एका सार्वजनिक आरोग्य समितीच्या बैठकीत उपनगराध्यक्ष खान यांच्या पतीने उपस्थिती लावली. शासकीय बैठकीत निवडून आलेल्या महिला पदाधिकाऱ्यांच्या जागी त्यांच्या पतीने सहभाग घेतल्याने आता या प्रकारावर प्रश्न उपस्थित होत आहेत. संबंधित बैठकीत उपनगराध्यक्षांच्या पतीची उपस्थिती का होती, याबाबतही चर्चा सुरू झाली आहे. नियमांनुसार अशा बैठकीला कोणाची उपस्थिती अपेक्षित असते, यावरही आता प्रशासनाकडून स्पष्टीकरण घेतले जाण्याची शक्यता आहे.

विशेष म्हणजे, या बैठकीला राष्ट्रवादी काँग्रेस अजित पवार गटाचे नेते धनंजय मुंडे हे देखील उपस्थित होते. त्यामुळे या प्रकरणाला राजकीय रंग मिळाला आहे. देवराव लुगडे यांच्या तक्रारीनंतर प्रशासन या प्रकरणाची दखल घेणार का आणि उपनगराध्यक्ष खान यांच्या पदाबाबत कोणता निर्णय होणार, याकडे आता सर्वांचे लक्ष लागले आहे. या प्रकरणात पुढील चौकशी कोणत्या पद्धतीने केली जाते, याकडे नागरिकांचे लक्ष आहे. त्यामुळे बीडच्या राजकीय वर्तुळातही चर्चांना उधाण आले आहे.