Bhaskar Jadhav | बाळासाहेबांना जर मानत असाल तर… भास्कर जाधव यांचं एकनाथ शिंदे यांना भावनिक आवाहन काय?

बाळासाहेबांच्या १००व्या जयंतीनिमित्त आयोजित कार्यक्रमात शिवसेनेच्या सर्व वरिष्ठ नेते उपस्थित होते. कार्यक्रमात उपस्थित नेत्यांनी बाळासाहेबांचे विचार आणि आदर्श यांवर भाष्य करत आपले श्रद्धांजली व्यक्त केली. या पार्श्वभूमीवर राजकीय वातावरणही तापलेले होते, कारण मुंबई महापालिकेतील महापौरपदासाठीच्या आगामी तयारीवर सर्वांचे लक्ष लागलेले आहे. शिवसेना ठाकरे गटाचे नेते भास्कर जाधव यांनी आपल्या वक्तव्याद्वारे स्पष्ट केले की, बाळासाहेबांच्या विचारांचा आदर करणं हेच मुख्य उद्दिष्ट असायला हवं. त्यांनी सांगितलं की, राजकारणात मतभेद असू शकतात, पण बाळासाहेबांना श्रद्धांजली अर्पण करताना त्यांचा वारसा जपणे सर्वाधिक महत्वाचे आहे. भास्कर जाधवांनी एकनाथ शिंदेंना आवाहन करत म्हटले की, उद्धव ठाकरेंना बाजूला ठेऊन महापौरपदासाठी राजकीय प्रयोग करणे चुकीचे आहे. त्याऐवजी, बाळासाहेबांच्या विचारांचा सन्मान करत, उद्धव ठाकरेंनी दिलेल्या उमेदवाराला पाठिंबा देणे आवश्यक आहे. उद्धव ठाकरे यांना बरोबर घेत मुंबई महापालिकेवर शिवसेनेचा भगवा झेंडा फडकला पाहिजे. राजकीय मतभेद बाजूला ठेऊन, बाळासाहेबांना आदरांजली म्हणून, बाळासाहेबांचे खरे वारसदार उद्धव ठाकरे जो उमेदवार देतील त्याला आम्ही महापौर करू हे सांगण्याचं धाडस एकनाथ शिंदे यांनी दाखवावं असं थेट चॅलेंज भास्कर जाधव यांनी शिंदेंना केलं आहे .