Phaltan Doctor Case : भाजप माजी खासदार निंबाळकर आरोपांच्या कचाट्यात, विरोधकांनी केले ‘हे’ 5 मोठे आरोप

फलटणमधील महिला डॉक्टरच्या आत्महत्या प्रकरणानंतर भाजपचे माजी खासदार रणजीतसिंह निंबाळकर यांच्यावर गंभीर आरोपांची मालिका सुरू झाली आहे. विरोधकांसह स्थानिक नागरिकांनीही निंबाळकरांवर विविध आरोप केले आहेत. सुषमा अंधारे यांनी महिला डॉक्टर संपदा मुंडेची आत्महत्या नसून हत्या झाल्याचा संशय व्यक्त केला असून, यात निंबाळकरांच्या पीएंचा संबंध असल्याचा आरोप केला आहे. धनंजय मुंडे यांनीही खासदारांच्या दोन पीएंच्या चौकशीची मागणी करत एसआयटी स्थापन करण्याची विनंती केली आहे.

याव्यतिरिक्त, सुषमा अंधारे यांनी निंबाळकरांनी पोलिसांवर दबाव टाकून 277 खोट्या तक्रारी केल्याचा आणि कारखान्याच्या बॉयलरमध्ये घातपात घडवल्याचा दावा केला आहे. आगवणे कुटुंबाने आर्थिक व्यवहारामुळे खोटे गुन्हे दाखल केल्याचा आरोप केला आहे, तर वाठार निंबाळकर येथील दिपाली निंबाळकर यांच्या आत्महत्या प्रकरणातही निंबाळकरांवर संशयाची सुई रोखली गेली आहे. दिपालीच्या पोस्टमार्टम रिपोर्टमध्ये फेरफार करण्यासाठी फलटणच्या डॉक्टरवर दबाव होता असे पाचांगणे कुटुंबाने म्हटले आहे. देवेंद्र फडणवीस यांनी या आरोपांचे राजकारण न करण्याचे आवाहन करत, दोषींवर कडक कारवाईचे आश्वासन दिले आहे.