Video | ‘आजी लोकांनी माजी लोकांची काळजी घ्यायची…,’ काय म्हणाल्या पंकजा मुंडे

बीड | 9 मार्च 2024 : कोणतीही निवडणूक लागली की भाजपा नेत्या पंकजा मुंडे यांना तिकीट मिळणार का ? त्याचं राजकीय पुनर्वसन केले जाणार का असा सवाल केला जातो. पंकजा मुंडे यांनी अनेक वेळा आपल्याकडे झालेल्या दुर्लक्षावर अनेकदा जाहीर सभांमध्ये टीका केली आहे. त्यामुळे येऊ घातलेल्या लोकसभा निवडणूकांत त्यांना तिकीट मिळणार का? असा सवाल निर्माण झाला आहे. भाजपा नेते गोपीनाथ मुंडे यांच्या अपघाती निधनानंतर त्यांच्या राजकीय वारसदार असलेल्या कन्या पंकजा मुंडे यांच्या मागे गोपीनाथ मुंडे यांना मानणारा बीडमधील मोठा समुदाय उभा राहीला आहे. सिद्धेश्वर देवस्थान संस्थानाच्या हरिनाम सप्ताहाच्या सांगता सोहळ्याला पंकजा मुंडे, आणि प्रीतम मुंडे यांनी उपस्थित राहुन भाषण केले. ‘आपण आता माजी झालेलो आहोत, त्यामुळे तुमच्यासाठी काही घोषणा करु शकत नाही अशी खंत पंकजा मुंडे यांनी यावेळी व्यक्त केली. आता जे आजी आहेत त्यांच्या आजी होण्यात माजी लोकांचाही थोडासा का होईना वाटा असतो. व्यासपीठावर सुरेश धस, बाळासाहेब आजबे, प्रीतम मुंडे हे सत्ताधारी आहेत. त्यामुळे आजी लोकांनी माजी लोकांची काळजी घ्यावी, असं म्हणत लोकसभेच्या निवडणुकीत तुम्ही माझी काळजी घ्या. पुढे मी तुमची काळजी घेईन, असेही पंकजा मुंडे म्हणाल्या.