श्रद्धांजली वाहण्याचं कसलं ढोंग करता, भाजप नेत्याची उद्धव ठाकरे यांच्यावर सडकून टीका

मुंबई : आजारी असतानाही स्वतःपेक्षा पक्ष मोठा अशी निष्ठा गिरीश बापट यांनी दाखवली तर आजारी असतानाही पक्षासाठी गिरीश बापट घराबाहेर पडतात. श्रद्धांजली वाहण्याचे कसले ढोंग करतात, भाजप नेते राम कदम यांनी उद्धव ठाकरे यांच्यावर जोरदार टीका केली आहे. यासह ते असेही म्हणाले की, अंधेरी पोटनिवडणुकीत आम्ही उमेदवार दिला नाही तसे तुम्ही करणार का, असा सवाल ही राम कदम यांनी उपस्थित केला आहे. स्वर्गीय मुक्ता टिळक आणि लक्ष्मण जगताप यांना तुम्ही श्रद्धांजली कसली वाहता. अंधेरीच्या पोटनिवडणुकीत रमेश लटके यांच्या पत्नी विरोधात भाजपने उमेदवार दिला नव्हता, आता बिनविरोध निवडून द्या म्हणून तुम्ही सर्वांना आवाहन करणार आहात का, असे म्हणत राम कदम यांनी उद्धव ठाकरे यांना आव्हान दिले आहे.