Dombivli : काँग्रेस नेत्याला भर रस्त्यात नेसवली साडी, मोंदींच्या ‘त्या’ फोटोमुळं वातावरण तापलं, डोंबिवलीत नेमकं काय घडलं?

डोंबिवली शहरात एक वादग्रस्त घटना घडली. काँग्रेस पक्षाचे नेते प्रकाश पगारे यांना भाजप कार्यकर्त्यांनी रस्त्यावर साडी नेसण्यास भाग पाडले. पगारे यांनी पंतप्रधान नरेंद्र मोदींचा फोटो मोर्फ करून तो साडीत दाखवला होता. यामुळे भाजप कार्यकर्ते चांगलेच संतप्त झाले आणि त्यांनी पगारे यांचा आक्रमक होत निषेध व्यक्त केला. या घटनेमुळे काही काळासाठी परिसरात तणावाचे वातावरण निर्माण झाले होते. पोलिसांनी घटनास्थळी पोहोचून परिस्थिती नियंत्रणात आणली. या घटनेने राजकीय वर्तुळात खळबळ उडाली आहे.