अपघातात कारमधील एकाचा मृत्यू,5 जण जखमी

अंबरनाथ – अंबरनाथमध्ये (Ambernath) मध्यरात्री कारचा भीषण अपघात (Accident) झाला आहे. त्यामध्ये एकाचा जागीच मृत्यू झाला असून पाच जण जखमी झाले आहेत. ही घटना मध्यरात्री घडल्याने नेमका अपघात कशामुळे झाला याचं कारण स्पष्ट झालेलं नाही. लोकनगरी बायपास रस्त्यावर रात्री तीनच्या सुमारास अपघात झाला आहे. एकाचा जागीच मृत्यू झाल्याची माहिती मिळाली आहे. तर पाचजण गंभीर जखमी आहेत. त्यापैकी एकाला गंभीर जखमा झाल्या असल्याने उपचारासाठी मुंबईत  (Mumbai) आणण्यात आले आहे. पोलिसांनी घटनास्थळी जाऊन पंचनामा केला असून पोलिस अधिक तपास करीत आहेत.