Chandrakant Khaire : दारूवाल्याला मतदान, माझ्याविरोधात 120 कोटी वाटले अन्… खैरेंचा भुमरेंवर खळबळजनक आरोप

माजी खासदार आणि शिवसेना ठाकरे गटाचे नेते चंद्रकांत खैरेंनी लोकसभा निवडणुकीसंदर्भात संदिपान भुमरेंवर गंभीर आरोप केले आहेत. खैरेंच्या म्हणण्यानुसार, भुमरेंनी त्यांच्या विरोधात लोकसभा निवडणुकीत तब्बल १२० कोटी रुपये वाटले. या आर्थिक वाटपामुळेच भुमरे निवडून आले, असा दावा खैरेंनी केला आहे. खैरेंनी असाही आरोप केला की, भुमरेंना मराठीही वाचता येत नाही.

खैरेंनी म्हटले की, “सगळ्या घराघरात काय किती मतं आहेत… २५ हजार… तुमच्याकडे किती?  ३०… हे इतके… दीड लाख. हे असे पैसे संदीपान भुमरे यांनी वाटलेत आणि ते निवडून आला.” लोकांनी अशा उमेदवाराला निवडून दिल्याबद्दल त्यांनी आश्चर्य व्यक्त केले. खैरेंनी संभाजीनगरच्या जनतेला उद्देशून म्हटले की, ज्या दारूवाल्याला तुम्ही मतदान केले आहे, त्याच्याकडूनच मदत आणि प्रश्न सोडवून घ्या. भुमरे काहीच करू शकत नाहीत, कारण त्यांना लोकसभेत मराठीसुद्धा वाचता येत नाही. संभाजीनगरच्या जनतेने पैसे घेऊन अशा व्यक्तीला निवडून दिल्याने खैरेंनी तीव्र नाराजी व्यक्त केली आहे.