भुजबळ म्हणताय, ‘तेव्हा शिंदे ज्युनिअर होते…’, महाराष्ट्रात २०१९ पासून आतापर्यंत चार मुख्यमंत्री पण ‘तो’ वाद अजूनही सुरूच

इतक्या प्रचंड बहुमतानंतरही सध्या महाराष्ट्राच्या राजकारणात विधानांवरून एकमेकांना खो देण्याचं काम रंगले आहे. म्हणजे सत्ताधाऱ्यांच्या मतभेदांवर राऊत शिंदेंवर निशाणा साधतात आणि दुसरीकडे त्यांचेच नेते अंबादास दानवे शिंदेंना भाजपपासून सावध राहण्याचा सल्ला देतायत. सत्तेतही एकमेकांना शह काटशह देण्याचं राजकारण रंगले आहे. मात्र वरवर सारं काही आलबेल असल्याचं नेतेमंडळी सांगतायेत. मविआ या काळात ठाकरेंना मुख्यमंत्री होण्याच्या सूचना शरद पवारांच्याच होत्या या राऊतांच्या दाव्याला भुजबळांनी दुजोरा देऊन शिंदेंना ज्युनिअर म्हटले आहे. तर शिंदेंऐवजी ठाकरे पदाच्या लालसेपोटी मुख्यमंत्री झाल्याचा आरोप रामदास कदम सहित एकनाथ शिंदेनी केला होता. तो दावा राऊतांनी खोटा ठरवल्यानंतर भुजबाळांनीही त्यावर राऊतांना पुरक विधान केलं आहे. दरम्यान, मंत्रिपद न मिळाल्यानंतर नाराज झालेल्या छगन भुजबळांनी आपल्या नेहमीच्या स्टाईलने शेरोशाहीरी करत जहाँ नहीं चाहीना वहाँ नहीं रहना असं म्हटलं होतं. त्याबद्दल विचारलं असता माझ्या नाराजी बद्दलचा सारा अपप्रचार माध्यमांचाच असल्याचं छगन भुजबळ म्हणालेत. बघा यासंदर्भातील स्पेशल रिपोर्ट