चीनने ताकद दाखवली, सर्वात मोठी लष्करी परेड

चीनने दुसऱ्या महायुद्धात जपानच्या पराभवाच्या ऐंशीव्या वर्धापन दिनानिमित्त बीजिंगमध्ये एक भव्य लष्करी परेड आयोजित केली. ही परेड विजय दिनानिमित्त साजरी करण्यात आली. परेडमध्ये शंभरहून अधिक विविध स्वदेशी शस्त्रे आणि 45 पेक्षा जास्त लष्करी तुकड्यांचा समावेश होता. चिनी महिला सैनिकांचा एक गट देखील परेडमध्ये सहभागी झाला होता. रशियाचे राष्ट्राध्यक्ष व्लादिमीर पुतीन आणि उत्तर कोरियाचे राष्ट्राध्यक्ष किम जोंग उन यांसह 25 देशांचे नेते या महत्त्वाच्या कार्यक्रमास उपस्थित होते. चीनने आपल्या ड्रोन शस्त्रे आणि डीएफ 61 या शस्त्रास्त्राचे प्रदर्शन केले. राष्ट्राध्यक्ष शी जिनपिंग यांनी यावेळी आपण कोणत्याही धमक्यांना घाबरत नसल्याचे व नेहमी पुढे जात राहिल्याचे वक्तव्य केले. पाकिस्तानचे पंतप्रधान शाहबाज शरीफ, लष्कर प्रमुख असीम मुनीर, नेपाळचे पंतप्रधान आणि मालदीवचे अध्यक्ष मोहम्मद मुईजू देखील उपस्थित होते. ही परेड चीनच्या वाढत्या लष्करी ताकदीचे प्रतीक आहे.