Thane : फडणवीसांचे ठाण्यात देवा भाऊ म्हणून झळकले बॅनर; मराठा आरक्षणाच्या मुद्द्यावरून महायुतीतच श्रेय वादाची लढाई?

ठाण्यातील विविध ठिकाणी महाराष्ट्राचे मुख्यमंत्री देवेंद्र फडणवीस यांचे “देवाभाऊ” म्हणून बॅनर्स लावण्यात आली आहेत. भाजपचे आमदार शिवजी पाटील यांनी हे बॅनर्स लावले असून, त्यावर फडणवीस यांच्यासोबत पंतप्रधान नरेंद्र मोदी, अमित शहा, उपमुख्यमंत्री एकनाथ शिंदे आणि अजित पवार यांचेही फोटो आहेत. हे बॅनर्स मराठा आरक्षणाच्या पार्श्वभूमीवर लक्षवेधी ठरत आहेत. मनोज जरांगे पाटील यांनी केलेल्या उपोषणानंतर सरकारने मराठा आरक्षणासाठी जीआर जारी केले आहे. या पार्श्वभूमीवर ही बॅनरबाजी श्रेयवादाच्या लढाईचे सूचक असल्याचे काहीजण मानत आहेत. फडणवीस यांच्या “देवाभाऊ” या प्रचारात्मक प्रतिमेचे विविध माध्यमांमधून प्रसारण केले जात असून, त्यामुळे राजकीय चर्चा निर्माण झाली आहे.