Thane : गडकरी रंगायतनमध्ये सावरकर लिखित ‘त्या’ नाटकावरून वाद, पोलीस अन् वंचित कार्यकर्त्यांमध्ये वाद

ठाण्यातील गडकरी रंगायतन येथे स्वातंत्र्यवीर सावरकर लिखित संन्यस्त खड्ग या नाटकावरून वाद निर्माण झाला आहे. पोलीस प्रशासन आणि वंचित बहुजन आघाडीच्या कार्यकर्त्यांमध्ये यासंदर्भात चर्चा झाली आहे. वंचित बहुजन आघाडीने या नाटकाच्या विरोधात पोलिसांना निवेदन दिले आहे. पक्षाचे ठाणे शहराध्यक्ष आणि उपाध्यक्ष संदीप खरात यांनी याबाबत माहिती दिली.

वंचित बहुजन आघाडीच्या मते, त्यांनी अद्याप नाटक पाहिलेले नाही. नाटकामध्ये बुद्धांच्या संदर्भात काही आक्षेपार्ह दाखवले गेल्यास, ते पूर्णपणे नाटक बंद करण्याचा प्रयत्न करतील. नाटकाच्या निर्मात्यांशी आणि दिग्दर्शकांशी चर्चा झाली असून, त्यांनी नाटक पाहिल्यानंतरच आक्षेप नोंदवण्याचे आवाहन केले आहे. अधिकृत वंचित बहुजन आघाडीने निवेदन दिले असून, काही कार्यकर्त्यांच्या वेगळ्या भूमिकेला पक्षाचा पाठिंबा नाही असे स्पष्ट करण्यात आले.