नटीला नटी म्हणायचं नाही तर काय…राऊत आणि जयंत पाटलांमधील संवाद कॅमेऱ्यात कैद

अमरावतीमध्ये येऊन ठाकरे गटाचे खासदार संजय राऊत यांनी अमरावतीच्या भाजपच्या उमेदवार नवनीत राणा यांच्यावर वादग्रस्त वक्तव्य केले. यानंतर राजकीय वर्तुळात चर्चांना उधाण आलं आहे. राऊतांनी केलेल्या विधानावर सत्ताधाऱ्यांकडून टीका होतेय. तर नटीला नटी नाही तर काय म्हणायचं? असं संजय राऊत म्हणाले आहेत. संजय राऊत आणि शरद पवार गटाचे नेते जयंत पाटील यांच्यातील संभाषण कॅमेऱ्यात कैद झालं आहे. हा व्हिडीओ सध्या व्हायरल होत आहे. या व्हिडीओमध्ये जयंत पाटील म्हणताय, “अमरावतीचं मी टीव्हीवर बघितलं काल…”, त्यावर संजय राऊत म्हणाले की, “गुन्हा दाखल केलाय असं कळलंय काहीतरी. आता मी तिला म्हटलं, नटीला नटी नाही तर काय म्हणणार? आता मला इंग्लिश शब्द येत नाहीत”, असं संजय राऊत म्हणाले. त्यावर जयंत पाटील म्हणाले, “नाचा, नाची हे शब्द मराठीच आहेत.” यानंतर संजय राऊत म्हणतात, “हो, ती डान्सर आहे.” यावेळी संजय राऊत यांच्या बाजूला बसलेले नितीन बानगुडे पाटील म्हणाले, “डान्सरला दुसरं काय बोलणार?”