‘तुम्हाला इथे काय XXX….’, उद्घाटनाला गेले पण झापलं अधिकाऱ्यांना, अजितदादा कोणावर भडकले?

उपमुख्यमंत्री अजित पवार यांच्या हस्ते पुण्यातील जीएसटी भवनच्या इमारतीचे आज उद्घाटन करण्यात आले. यासोबतच वडगावशेरी मतदारसंघातील तीनशे कोटींच्या विकास कामांचं भूमिपूजन देखील अजित पवारांच्या हस्ते करण्यात आलं. मात्र यावेळी अजित पवार यांनी अधिकाऱ्यांना चांगलंच झापल्यांचं पाहायला मिळालं. कामांची पाहणी करत असताना अधिकाऱ्यांनी काही कामे व्यवस्थित केली की ती कामं लवकर आवरण्यासाठी केली हे देखील लक्षपूर्वक पाहिलं. यावेळी त्यांनी थेट अधिकाऱ्याची कानउघडणी केली. जीएसटी भवनच्या इमारतीचे आज उद्घाटन करताना इमारतीकडे जाताना तेथील पहिल्या पायरीवर सिमेंट व्यवस्थित साफ केलेले नव्हते. अजित पवारांनी संबधित अधिकाऱ्याला विचारले हे असं का झालय? त्यावर अधिकाऱ्याने ते काढायचं राहून गेल्याचे म्हटले. अधिकाऱ्याच्या या उत्तरानंतर अजित पवार भडकले, हे मला काढायला ठेवलं का? तुम्हाला माहित आहे ना मी बारीक बघतो.. मग हे कशाला झक मारायला ठेवलं का? असा सवाल दादांनी केलाय.